Il-faqar jaf ikisser l-imħabba.
Iż-żwieġ għoqda bi lsienek li ma tħollhiex bi snienek.
Ir-rabta taż-żwieġ tinħall biss bil-mewt.
Armla ta’ tletin tfittex raġel bħall-għamjin, armla ta’ ħamsin tagħżel mill-qalbenin.
Armla li tkun għadha żagħżugħa toqgħod inqas attenta minn armla aktar imdaħħla fiż-żmien meta tfittex raġel ieħor.
Bħal tal-ewwel la tiżra’ u lanqas tħawwel.
L-ewwel imħabba ta' ħajtek dejjem tkun l-iżjed speċjali.
Isbaħ il-għaqal mill-ġmiel.
Iżżewweġ persuna għall-għaqal tagħha, mhux għall-apparenza fiżika biss.
Iż-żwieġ dulliegħa.
Ma tistax tkun taf minn qabel kemm se jirnexxi ż-żwieġ, bħal meta ma tkunx taf kemm hi tajba dulliegħa qabel taqsamha.
Aqra xortik u ara mħabbtek kemm ittik.
Fl-imħabba jaf tkun xortik tajba jew xortik ħażina.
Meta s-siġra tal-armla ma toħroġx qamla, għan-namur tkun reġgħet ħemla.
B'mod speċjali dari, meta armla ma kenitx tkun trid titgħabba bir-responsabbiltà li tgħajjex lil uliedha, kienet tfittex raġel ieħor biex jgħajjex hu lilha u lil uliedha. Qamla tfisser rimja f'dan il-kuntest, bħallikieku l-armla hija siġra li ma tridx tagħmel frott, u...
Iddoqq lill-għarusa biex tiżfen il-qattusa.
In-nies jippruvaw iġegħluk temmen li qed jagħmlu xi ħaġa għal skop, mentri fil-verità jkollhom skop ieħor f'moħħhom.
Għad li kerha s-sura, sabiħa l-avventura.
Anke persuna li mhix daqstant sabiħa ssib lil min iridha.
Għal ratal laħam ma jaqbilx tixtri baqra.
Fiż-żwieġ is-sitwazzjonijiet diffiċli huma ħafna iżjed komuni minn dawk faċli, mela tagħżilx lil martek jew żewġek skont l-apparenza biss.
Iż-żwieġ mingħajr tarbija ma fihx tgawdija.
Koppja miżżewġa bit-tfal tgħix iżjed kuntenta minn koppja bla tfal.
Kemm hu iblah dak li lill-mara qabel il-waqt jikxfilha l-qargħa.
Raġel m'għandu qatt juri lill-mara kemm għandu flus qabel jiżżewweġ, biex me teħdux għall-flus. Il-qargħa tirreferi għall-kaxxa tal-flus.
Jekk toħroġ il-vara, ikollok idaħħalha.
Fiż-żwieġ kulħadd responsabbli minn dak kollu li tagħmel martu jew żewġu.
Iż-żwieġ bħall-ħjar.
Ma tistax tkun taf minn qabel kemm se jirnexxi ż-żwieġ, bħal meta ma tkunx taf kemm hi tajba ħjara qabel taqsamha.
Iż-żwieġ rabta bl-ilsien li ma jħollha ebda żmien.
Ir-rabta taż-żwieġ tinħall biss bil-mewt.
Ix-xemgħa torbot u l-qniepen tħoll.
Iż-żwieġ isir bix-xemgħat fil-knisja u jinħall biss malli tasal il-mewt.
L-imħabba bla dawl, il-mogħdrija bir-raġġi.
Bniedem li tħobbu jagħmel kollox tajjeb, bniedem li tobogħdu jagħmel kollox ħażin.
Armel u mrabbab ma fiex xi ttellet.
In-nisa ma jkunux iridu rġiel romol li diġà jkollhom it-tfal.
Iż-żwieġ fih lagħqa ħelu u bettija mrar.
Iż-żwieġ fih iżjed esperjenzi koroh milli sbieħ.
Li kont nafek qatt ma daħħaltek f’darek.
Ma tistax tkun taf minn qabel kemm se jirnexxi ż-żwieġ, jista' jkun li wara kollox iddejqek il-persuna li tkun iżżewwiġt.
Agħti ruħek għan-namur u d-dinja ħalliha ddur.
Ħobb lil min trid u ħalli n-nies jgħidu.