Il-bniedem injorant qatt ma jagħmel il-flus għax moħħu ma jasalx.
Il-bniedem għaqli ma jdurx ma’ kull riħ.
Bniedem rasu fuq għonqu jkun konsistenti f'li jagħmel.
Bil-qari wieħed jitgħallem.
Issir għaref permezz tal-qari.
Il-mistoqsija oħt il-għerf.
Titgħallem billi tistaqsi u tieħu interess.
Ġrejt daqs żiemel u bqajt lura daqs ħmar.
Meta ma tkunx intelliġenti biżżejjed, tagħmel x'tagħmel dejjem ta' injorant se toħroġ.
Ġirja ta’ ħmar taqla’ sinslet id-dahar.
Mingħand nies injoranti ma tistax tistenna affarijiet intelliġenti.
But il-fqir ogħna minn rajh.
Min huwa b'edukazzjoni baxxa u m'għandux ħafna flus jispiċċa jonfoq aktar flus milli jdaħħal.
Fost il-għomja, min għandu għajn waħda sultan.
Meta tqabbel ħaġa ma oħra trid toqgħod attent u tara l-istampa sħiħa.
Ġurdien xiħ ma jmissux il-ġobon.
L-esperjenza tal-ħajja tgħallmek tħaddem moħħok u tkun makakk.
Il-bluha fuq kulħadd u l-għerf ma jilħqu ħadd.
L-għerf huwa impossibbli tilħqu, il-bniedem jgħum fil-bluha biss jaf.
Fejn ma tafx saqsi.
Titgħallem jekk tistaqsi.
Il-ħażin joħroġ minn dar l-għaref u jidħol f’dar l-iblah.
Il-ħażin jibqa' ħażin għal kulħadd, hu x'inhu l-livell ta' intelliġenza.
Ħmar għama li ma jarax, il-bniedem li jara u ma jaqrax.
Min għandu l-ħila jitgħallem u ma jisfruttahiex, ma jkunx aħjar minn ħmar għami.
Id-dinja tħabbtek iżjed minn imgħallmek.
Titgħallem iktar bit-tiġrib tal-ħajja milli bi kwalunkwe ħaġa oħra.
Aħjar titgħallem spejjeż ta’ ħaddieħor milli titgħallem spejjeż tiegħek.
Tbati inqas jekk titgħallem mill-iżbalji ta' ħaddieħor.
Il-boloh biss ma jaħsbux.
L-iblah jagħmel l-affarijiet bla ħsieb.
Bufula kiel nemusa, farfar rixu u telaq jgħanni.
Min hu injorant faċli ħafna tikkuntentah.
Ġrejt daqs żiemel u bqajt lura daqs ħmar.
Meta ma tkunx intelliġenti biżżejjed, tagħmel x'tagħmel dejjem ta' injorant se toħroġ.
Iblah min ma jitgħallimx.
Il-veru injorant huwa dak li ma jitgħallem qatt.
Aħjar kemm int ġifa minn kemm int raġel.
Aħjar tilgħabha tal-iblah u tevita l-inkwiet milli tipprova toħroġ ta' bravu u tbati l-konsegwenzi.
Fid-dinja hawn aktar nies imġienen minn nies f’sensihom.
Ħafna nies jaqbdu u jfattru mingħajr ma jaħsbu.
Ħmar għama li ma jarax, il-bniedem li jara u ma jaqrax.
Min għandu l-ħila jitgħallem u ma jisfruttahiex, ma jkunx aħjar minn ħmar għami.