Qwiel Maltin | Maltese Proverbs | Iċ-ċomb jgħum u t-tiben jegħreq.

Id-dinja tħabbtek iżjed minn imgħallmek.

Titgħallem iktar bit-tiġrib tal-ħajja milli bi kwalunkwe ħaġa oħra.

L-iskola tgħin biex wieħed jiftaħ moħħu, kif ukoll biex isib xogħol tajjeb.

Tippruvax turi li inti iżjed għaref minn min ilu midħla fil-qasam ħajtu kollha.

Issir għaref permezz tal-qari.

Anke min ma tantx hu intelliġenti kultant jissorprendina.

Bniedem għaref kapaċi jagħmel ħafna affarijiet, fosthom jieħu ħsieb saħħtu aħjar.

Dari kienu jemmnu li min għandu xagħru ħamrani (faqsi) mhux intelliġenti.

L-iblah jagħmel l-affarijiet bla ħsieb.

Hemm min hu iblah u hemm min jilgħabha tal-iblah biex iqarraq bik.

Min hu għaref ma jaqbadx u jagħmel kulma jiġih f'moħħu, bħall-iblah.

Mhux kulħadd jaf juża moħħu.

Anke min hu intelliġenti ma jafx xi jrid isir, aħseb u ara min hu injorant.

Il-bniedem injorant qatt ma jagħmel il-flus għax moħħu ma jasalx.

Kollox ta' taħt fuq: min kapaċi jasal qed jibqa' lura u min mhu kapaċi għal xejn qed isib min jaqilgħu.

Il-kotba jinkitbu mill-bnedmin, jiġifieri xorta jista' jkun fihom l-iżbalji. Kotob tfisser kotba wkoll.

Xi nies taħsibhom boloh minn kif jidhru, iżda ma jkunx il-każ.

Meta wera x'inhu kapaċi jagħmel (= sarraf), in-nies apprezzawh iżjed (= tgħarraf).

Ħafna nies jaqbdu u jfattru mingħajr ma jaħsbu.

Il-bniedem jippreferi jkun sinjur milli jkun għaref.

Titlobx l-għajnuna ta' min hu injorant għax xejn ma tieħu.

Titgħallem billi tistaqsi u tieħu interess.