F’April il-ħaddiem joħroġ ġuvni u jidħol xiħ.F’April il-ġurnata tax-xogħol tkun itwal, b’aktar tbatija.
Xita fi ħruġ Marzu u dħul April, karru deheb u ġawhar fin.Ix-xita fl-aħħar ta’ Marzu u fil-bidu ta’ April tagħmel ġid lill-uċuħ tar-raba’.
F’April id-dubbiena tagħmel żinn u l-isħaba tmur lil hinn.F’April tieqaf ix-xita u jibdew ħerġin l-insetti, fosthom id-dubbien.
Xita fi dħul April, karru deheb u ieħor ħarir.Ix-xita fil-bidu ta’ April tagħmel ġid lill-uċuħ tar-raba’.
April xahar tal-boloh.Qawl li jingħad minħabba ċ-ċajt tal-1 ta’ April. Dari kienu jemmnu li min jitwieled f’April huwa iblah.
