Il-bniedem qatt m'għandu jaħseb li huwa aħjar minn Alla.
Min jagħti lill-fqar ikun qed jislef lil Alla l-imbierek.
Min jagħmel karità mal-proxxmu jogħġob lil Alla.
Alla jħallas lill-ħażin minn din id-dinja.
Alla jikkastiga lil min ma jindimx minn dnubietu qabel mewtu.
Alla b’ħabel tat-tajjar isawwat.
Alla ma jagħtix kastigi ħorox, jaf iqis.
Jekk tagħti sold karità, Alla jipprovdilek lira.
Għal kull ftit flus li tagħti karità, Alla jagħtik ħafna iżjed lura.
“Alla jsewwi”, qal tal-bajd meta waqa’ u kissru.
Il-bniedem iħalli f’idejn Alla meta ma jkun jista’ jagħmel xejn.
Afda f’Alla u tħabbilx rasek.
Li hu mnalla jsir, għalxejn tinkwieta.
Alla jibgħatha tajba għax ħażina ilha.
Meta jkunu ilhom sejrin ħażin l-affarijiet, wieħed jitlob lil Alla biex imorru għall-aħjar.
Alla jxiegħel lill-battal.
Donnu x-xogħol Alla jagħtih lil min ma jaħdimx.
Alla fina, aħna fih; kulma jagħmel għalina, kulma nagħmlu għalih.
Alla qiegħed kullimkien, u li jagħmel huwa għalina nagħmlu aħna għalih.
Il-ħila minn Alla u bih kollox isir.
Il-kapaċitajiet tagħna tahomlna Alla.
Meta Alla jrid jiftaħ qrib, la taf mnejn u lanqas kif.
Ma nistgħux inkunu nafu kif u meta Alla jiddeċiedi li jgħinna u jipprovdilna.
Alla min jagħtih ħaġa u min jagħtih oħra.
Alla lil ħadd ma jinsa.
Ma’ Alla ma tiċċajtax.
Alla ma jista' ħadd għalih.
Jekk tagħti sold karità, Alla jipprovdilek lira.
Għal kull ftit flus li tagħti karità, Alla jagħtik ħafna iżjed lura.
Alla jtik ħaġa u jeħodlok oħra.
Alla jittratta lil kulħadd l-istess, għax huwa ġust.
Aħfer biex Alla l-imbierek jaħfirlek.
L-ewwel aħfer lil għajrek biex Alla jaħfirlek.
Alla jħarsek minn min għandu ħuġbejn kbar.
Alla jħarsek min-nies aggressivi.
Il-ħaqq u s-sewwa ħarġu minn fomm Alla.
Alla jrid il-ġustizzja u s-sewwa.
Alla lill-bniedem iħallsu skont qalbu.
Alla jippremja jew jikkastiga skont l-imġiba tal-bniedem.
Alla wieħed u nies ħafna.
Fid-dinja hawn ħafna nies, imma ħadd minnhom mhu Alla.
Alla fettieħi, Alla għajjur; Alla nebbieħi u ma’ kulħadd idur.
Alla juri mħabba kbira lejn kulħadd.