Is-sbuħija ta' meta tkun għadek żagħżugħ(a) mhix eterna, irridu nixjieħu u nikriehu.
Iż-żmien jitwal, min filgħodu jbakkar u filgħaxija jwaħħar.
Min iqum filgħodu kmieni u jidħol jorqod tard jirnexxilu jagħmel iżjed affarijiet.
Tikber u tinsa.
Iż-żmien inessina l-affarijiet koroh li jiġru fil-ħajja.
Approfitta ruħek miż-żmien.
Taħlix żmien, użah tajjeb.
Fid-dinja kollox jgħaddi.
Iż-żmien itaffi l-uġigħ u jnessihulna.
Bis-sabar u biż-żmien kollox jasal fit-tmiem.
Bil-paċenzja u ż-żmien kollox jasal u jispiċċa.
Iż-żmien kollox itemm.
Biż-żmien kollox jispiċċa.
L-imgħoddi nsieh, li ġej ftakar fih.
Tgħallem mill-iżbalji li għamilt fil-passat u ara li ma terġax tagħmilhom fil-futur.
Dak li f’qalb ix-xiħ iredden bih.
L-anzjani taqbadhom ħafna nostalġija meta jiftakru fl-imgħoddi, għalhekk dejjem isemmuh.
Iż-żmien jiġri fuq id-debba.
Iż-żmien malajr jgħaddi.
Iż-żmien ma jaħfirha lil ħadd.
Jeħtieġ li ż-żmien tużah tajjeb, għax ma jerġax jiġi lura.
Il-bniedem dejjem jibki lill-warrani.
In-nostalġija ġġiegħel lill-bniedem jara l-passat isbaħ mill-preżent.
Ħadt il-ġmiel, il-flus u ż-żgħożija u ma baqagħlix ħlief l-inxiefa u l-kruhija.
Iż-żmien kollox jeħdilna bil-mod il-mod.
Insa l-warrani u aħseb f’li ġej.
Li ġara fil-passat tagħtix kasu iżjed, u aħseb fil-futur minflok.
Bil-mod il-mod tasal.
Biż-żmien kollox jasal.
Akbar sena, aktar mitt sena.
Min għandu iżjed żmien minnek dejjem ser ikollu iżjed esperjenza tal-ħajja.
Aktar ma tikber, aktar titgħallem.
Il-bniedem jitgħallem bit-tiġrib tal-ħajja.
Kull jum jitrod l-ieħor u ġimgħa titrod l-oħra.
Iż-żmien malajr jgħaddi. Jitrod, mill-verb tarad, tfisser isegwi.
Iż-żmien jagħmel is-susa.
Biż-żmien kollox jispiċċa.
Iż-żmien isejjel il-ħajja.
Ħajjitna mislufa, mhix għal dejjem. Isejjel tfisser idejjen.
Ilbieraħ imiss mal-lum.
Iż-żmien malajr jgħaddi.