Qwiel Maltin | Maltese Proverbs | Li għadda nafuh, li ġej nobsruh.

L-imgħoddi nsieh, li ġej ftakar fih.

Tgħallem mill-iżbalji li għamilt fil-passat u ara li ma terġax tagħmilhom fil-futur.

Il-paga għall-pjaga.

Il-paga mhix isservi biex il-familja tgħix komda.

Iż-żejt min jaħarqu u min jieklu.

Bħalma hawn min jaħraq (= jaħli) iż-żejt u min jużah (= jieklu), hawn min juża l-ħin tajjeb u hawn min jaħlih.

Il-bniedem dejjem jibki lill-warrani.

In-nostalġija ġġiegħel lill-bniedem jara l-passat isbaħ mill-preżent.

Dak li ma sarx f’mitt sena mhux se tagħmlu f’jum.

Biex issir xi ħaġa hemm bżonn taż-żmien u l-paċenzja, ma tistax tagħmilha malajr biex teħles.

L-għaġuża f’nofs ir-Randan tinqasam.

Skont l-għajdut folkloristiku, f’nofsinhar tat-tieni Ħamis tal-ġimgħa tar-Randan, l-ixjeħ mara tar-raħal (= l-għaġuża) kienet tintefa’ mill-kampnar tal-knisja għal isfel.

Iż-żmien li titlef ma terġax iġġibu.

Jeħtieġ li ż-żmien tużah tajjeb, għax ma jerġax jiġi lura.

Iż-żmien li għaddej xi drabi aħjar milli ġej.

Aħjar dan iż-żmien li fih taf x'qed jiġri, miż-żmien li għadu ġej u li ma tafx x'se jsarraf.

Alwett bil-gziez, xita bil-qliel.

Kollox għandu żmienu. L-alwett huwa tip ta' għasfur u joħroġ fit-temp milwiem.

Aħjar tard inkella qatt.

L-aqwa li tasal fejn trid, anke jekk tasal tard.

Iż-żagħżugħ iferrħek u x-xiħ idejqek.

Iż-żgħażagħ iġibu magħhom il-ferħ għax għadhom fil-bidu ta' ħajjithom, filwaqt li x-xjuħ iġibu d-dwejjaq għax ikunu waslu fl-aħħar ta' ħajjithom. Sens ieħor huwa li l-ġdid dejjem jogħġobna iżjed mill-qadim.