Il-bniedem jitgħallem bit-tiġrib tal-ħajja.
Iġġorr, iġġorr, iġġorr sakemm il-bajda ttorr.
Xejn ma jsir f'daqqa, kollox irid iż-żmien tiegħu. Ittorr tfisser tbid.
Biġġel għax iż-żmien ibiddel.
Jekk tittratta lil ta' madwarek ħażin, għad jiġi żmien fejn huma jittrattawk ħażin. Biġġel tfisser irrispetta.
Frotta misjura ruħha fi snienha.
Bħal frotta misjura li tkun waslet biex titħassar, il-ħajja tax-xiħ tkun waslet fl-aħħar.
Iż-żmien jiġri fuq id-debba.
Iż-żmien malajr jgħaddi.
Bil-qajla l-qajla ssir il-bqajla.
Biż-żmien kollox isir.
Dak li ma sarx f’mitt sena mhux se tagħmlu f’jum.
Biex issir xi ħaġa hemm bżonn taż-żmien u l-paċenzja, ma tistax tagħmilha malajr biex teħles.
Iż-żmien li għaddej xi drabi aħjar milli ġej.
Aħjar dan iż-żmien li fih taf x'qed jiġri, miż-żmien li għadu ġej u li ma tafx x'se jsarraf.
Iż-żmien jagħmel is-susa.
Biż-żmien kollox jispiċċa.
Iż-żmien għaddej u dejjem taħseb f’li ġej.
Meta tgħaddi minn ħaġa għal oħra l-ħin kollu, iż-żmien malajr jgħaddi.
Iż-żmien li titlef ma terġax iġġibu.
Jeħtieġ li ż-żmien tużah tajjeb, għax ma jerġax jiġi lura.
Iż-żmien kollox itemm.
Biż-żmien kollox jispiċċa.
Agħar hu minn zokk tal-fiġel li aktar ma jikber aktar jixraf.
Aktar ma jixjieħ, aktar imur għall-agħar.
Iż-żmien jgħaddi u jnessi.
Iż-żmien itaffi l-weġgħat tal-passat.
Fid-dinja kollox jgħaddi.
Iż-żmien itaffi l-uġigħ u jnessihulna.
Biż-żmien kollox jintesa.
L-affarijiet jintesew biż-żmien.
Aktar ma tikber, aktar titgħallem.
Il-bniedem jitgħallem bit-tiġrib tal-ħajja.
Iż-żmien li għaddej xi drabi aħjar milli ġej.
Aħjar dan iż-żmien li fih taf x'qed jiġri, miż-żmien li għadu ġej u li ma tafx x'se jsarraf.
Dak li f’qalb ix-xiħ iredden bih.
L-anzjani taqbadhom ħafna nostalġija meta jiftakru fl-imgħoddi, għalhekk dejjem isemmuh.
Aktar ma tikber, aktar titgħallem.
Il-bniedem jitgħallem bit-tiġrib tal-ħajja.
Ħares lejn snieni u eħlisni kmieni.
L-anzjani għandhom jinqdew qabel ħaddieħor, ħabba li saħħithom hija iżjed fraġli.