Min il-ħin kollu jiġri u għandu x'jagħmel, ħajtu tgħaddi malajr.
Tikber u titgħallem.
Nitgħallmu ħafna affarijiet biż-żmien.
L-għaġuża eħżen mix-xitan.
L-anzjani makakki u ma tagħmilx bihom li trid. Għaġuża hija mara xiħa.
Iż-żmien kollox itemm.
Biż-żmien kollox jispiċċa.
Ixjeħ m’aħna, itqal qantarna.
Fil-ħajja l-ħin kollu ġġarrab, u fi xjuħitna dan it-tiġrib ikompli dejjem jiżdied.
L-għaġuża f’nofs ir-Randan tinqasam.
Skont l-għajdut folkloristiku, f’nofsinhar tat-tieni Ħamis tal-ġimgħa tar-Randan, l-ixjeħ mara tar-raħal (= l-għaġuża) kienet tintefa’ mill-kampnar tal-knisja għal isfel.
Biġġel għax iż-żmien ibiddel.
Jekk tittratta lil ta' madwarek ħażin, għad jiġi żmien fejn huma jittrattawk ħażin. Biġġel tfisser irrispetta.
Jeħtieġ immorru maż-żmien.
Iż-żminijiet jinbidlu u jeħtieġ nadattaw għalihom.
Iż-żmien jiekol sas-snien.
Biż-żmien kollox jispiċċa.
Iż-żmien gerbiebi.
Iż-żmien malajr jgħaddi.
Akbar minnek b’jum, għeref minnek sena.
Min għandu iżjed żmien minnek dejjem ser ikollu iżjed esperjenza tal-ħajja.
Iż-żmien kollox itemm.
Biż-żmien kollox jispiċċa.
Iż-żmien jiġri fuq id-debba.
Iż-żmien malajr jgħaddi.
Iż-żmien għama minn għajnu u trux minn widintu; daqqa hekk u oħra hekk.
Il-bidliet li ż-żmien iġibilna f'ħajjitna mhumiex dejjem faċli.
Faddal għal meta tixjieħ.
Faddal il-flus biex la tirtira ssibhom.
Min għandu ħafna ġid jista’ jiżdiedlu, min għandu ftit jista’ jonqsu, iżda l-għomor jonqos żgur lit-tnejn.
Ikollok kemm ikollok flus, il-mewt ma jirbħilha ħadd.
Aħjar tard inkella qatt.
L-aqwa li tasal fejn trid, anke jekk tasal tard.
Iż-żmien ma jaħfirha lil ħadd.
Jeħtieġ li ż-żmien tużah tajjeb, għax ma jerġax jiġi lura.
Iż-żmien l-aqwa galantom.
Biż-żmien tkun taf aħjar x'deċiżjoni għandek tieħu.
Għix bil-mod u tgħix ħafna.
Min il-ħin kollu jiġri u għandu x'jagħmel, ħajtu tgħaddi malajr.
Is-snin bħall-aħwa, ma jixxibhux.
M'hemmx sena bħall-oħra, il-ħajja dejjem toffrilna l-ġdid.