Hemm xi wħud li b'xogħolhom xorta waħda ma jleħħqux mal-ħajja, u jkollhom jaqilgħu l-flus minn xogħlijiet oħrajn.
It-tbakkir jagħti s-saħħa.
Tħoss li jkollok iżjed enerġija meta tbakkar (tqum kmieni) għax-xogħol.
Kategoriji: ix-xogħol
Is-sawt u ż-żmien ibiżżlu l-għażżien.
Min hu għażżien jeħtieġ li tiddixxplinah fuq medda ta' żmien twil biex jitgħallem imidd idejh.
Ix-xogħol tal-għaġla ma tantx joħroġ tajjeb.
Meta tgħaġġel biex tagħmel biċċa xogħol, ma tagħmilhiex sew.
Għal naqra melħ tħassarx il-borma.
Għal naqra, agħmel ix-xogħol sew.
Kulħadd irid jgħix fid-dinja.
Kulħadd għandu bżonn jaħdem biex jaqla' x'jiekol fid-dinja.
Inkella r-roqba, inkella l-ħobża.
Fil-passat ċerti xogħlijiet kienu riskjużi, bħal pereżempju xogħol il-baħħara, imma xorta kellu jsir biex taqla' x'tiekol u tgħajjex lill-familja. Ir-roqba tfisser l-għonq.
Għal melħa ma jħallix il-borma ħelwa.
Għal naqra, agħmel ix-xogħol sew.
L-għażżien xogħlu tqil.
L-għażżien ma jtajjarx xogħol.
It-tiben tagħna fl-aħħar xriek.
Meta tkun qed toqrob lejn l-aħħar ta' biċċa xogħol twila u tqila, l-enerġija tkun batuta ferm.
Għajjur f’iklu, għajjur f’xogħlu.
Biex taqla' x'tiekol trid taħdem u tistinka.
Ma jafx x’inhu serħan min qatt ma ħadem.
Tkun taf x'inhu serħan meta tbati f'xogħlok.
Ix-xogħol tal-għaġla ma tantx joħroġ tajjeb.
Meta tgħaġġel biex tagħmel biċċa xogħol, ma tagħmilhiex sew.
Kulħadd irid jiekol fid-dinja.
Kulħadd għandu bżonn jaħdem biex jaqla' x'jiekol fid-dinja.
Jekk min jinseġ iżomm il-miċċa, jitwi l-biċċa.
Meta tishar (= taħdem overtime) taqla' iżjed flus. Miċċa hija ftila.
Min hu għajjien jistrieħ.
Min għejjieh ix-xogħol jistrieħ u jiddeverti sabiex ikollu s-saħħa jkompli wara.
L-għażżien xogħlu tqil.
L-għażżien ma jtajjarx xogħol.
Mhux kull min għandu wiċċu mġemmed sar ħaddied.
Mhux imbilli tkun tagħmel ċertu xogħol jew tkun ta' xi sengħa, trid tkun tassew tinqala' fih(a).
Bidu tajjeb nofs ix-xogħol.
Meta x-xogħol jibda bit-tajjeb l-affarijiet imorru sew u tgħaġġel iżjed.
L-għodda iġborha u għoddha.
L-għodda tiegħek ħu ħsiebha sew.
Għajnejn sidha jimlewlha żaqqha l-baqra.
Kulħadd iqis li xogħlu jiswa ħafna flus.
Xogħol ta’ ħorrox borrox, imma l-istokk u ż-żebgħa jgħattu kollox.
Ix-xogħol ħażin hemm mezz kif jitranġa.