Ix-xogħol li jsir ħażin ma ħaqqux jitħallas.
Bewla bla bassa, torri bla għassa.
Kull aspett minn biċċa xogħol għandu jsir tajjeb.
Kategoriji: ix-xogħol
Ma jafx x’inhu serħan min qatt ma ħadem.
Tkun taf x'inhu serħan meta tbati f'xogħlok.
Il-bieżel ma jsib l-ebda triq magħluqa.
Min jaħdem u jistinka dejjem jasal fejn irid.
Ħajja ta’ kul u ixrob, orqod u ttieraħ.
Min hu għażżien ma jagħmel xejn ħlief jiekol, jixrob u jorqod. Ittieraħ tfisser imtedd fuq is-sodda.
Il-kotra tegħleb il-qawwa.
Meta nkunu magħqudin inkunu iżjed b’saħħitna u x-xogħol isir iżjed malajr.
Ix-xogħol tal-għaġla ma tantx joħroġ tajjeb.
Meta tgħaġġel biex tagħmel biċċa xogħol, ma tagħmilhiex sew.
Għajnejn sidha jimlewlha żaqqha l-baqra.
Kulħadd iqis li xogħlu jiswa ħafna flus.
Kull bidu huwa qawwi.
Biċċa xogħol tidher iżjed diffiċli qabel tibdieha.
Ma jafx isajjar min ma jafx inajjar.
Biex tagħmel biċċa xogħol sew, trid tkun taf l-elementi bażiċi. Inajjar tfisser jieħu ħsieb in-nar.
Għarbiel irqiq trid għalih il-ħobż u d-dqiq.
Għax-xogħol li jirrikjedi ħafna ħin u logħob hemm bżonn tieħu paċenzja u tieħu ħsieb saħħtek.
Għal kull għadma hawn mitt kelb.
Il-kompetizzjoni għax-xogħol hija qalila.
Kulħadd xogħlu jogħġbu.
Kulħadd jara tiegħu tajjeb u ta' ħaddieħor ħażin, anke fix-xogħol.
L-idejn imgħaref tal-fidda, xħin taħsilhom jiġu ġodda.
L-idejn huma għodda importanti għax-xogħol tal-idejn, u m'għandekx tiddejjaq tħammiġhom biex taħdem.
La kiel il-laħma jeħtieġ imexmex l-għadma.
La intrigajt b'xi biċċa xogħol, agħmilha sew mill-bidu sal-aħħar.
Lenbi mġenġel tagħġinx fih.
Tużax għodda mkissra jew difettuża għax ix-xogħol ma joħroġx tajjeb.
Kull bidu huwa qawwi.
Biċċa xogħol tidher iżjed diffiċli qabel tibdieha.
Dak bħas-siġra tal-luq, la tiekol minnha u lanqas idduq.
Min ma jridx jaħdem xejn ma tieħu mingħandu.
L-ewwel terz għali.
Meta tibda biċċa xogħol, l-ewwel ftit dejjem jinħass diffiċli sakemm tikkarga.
Kull mibdi mitmum.
Biex tispiċċa biċċa xogħol trid tibdieha.
Il-bokra ssewwi ż-żokra.
Min ibakkar (iqum kmieni) ileħħaq jagħmel ħafna matul il-ġurnata.
Mid-dar ma jiġix qamħ.
Min hu għażżien u joqgħod id-dar ma jagħmel xejn minflok jaħdem, ma jaqlax flus.