Kulħadd ikun jifhem l-aktar fix-xogħol li jagħmel.
Bewla bla bassa, torri bla għassa.
Kull aspett minn biċċa xogħol għandu jsir tajjeb.
Kategoriji: ix-xogħol
Is-siġra ma tagħmilx in-nwar jekk ma ssaqqihiex.
Trid taħdem qatigħ u tieħu interess biex ix-xogħol jirnexxi.
Jekk ma taqsamx il-bħajjar ma tkunx tista’ tnajjar.
Kien jeħtieġ li l-baħrin imorru jaħdmu fuq il-baħar 'il bogħod minn familthom biex jaqilgħu x'jieklu. Bħajjar huma oċeani u tnajjar tfisser tkampa.
Għejien ix-xogħol huwa s-sabar.
Biex ix-xogħol isir sew, irid isir bil-paċenzja. Għejien tfisser assistent.
Ħidma u sabar sal-qabar.
Irridu naħdmu u nieħdu paċenzja sa mewtna.
Ħidma fil-btala tmur fis-siba u l-ħala.
Dari kienu jemmnu li Alla jikkastiga lil min jaħdem il-Ħdud u l-festi. Siba tfisser ħerba.
Aktar ma ndumu nakkordaw milli ndoqqu.
Qed naħlu iżjed ħin nippreparaw milli naħdmu.
Il-ħobż tih lil min jaf jieklu u x-xogħol lil min jaf jagħmlu.
Biex l-affarijiet isiru sew, agħti biċċa xogħol lil min għandu l-ħila jinqala' għaliha.
Ix-xogħol u s-sahar huma missier u omm il-ġid.
Irridu naħdmu u nishru biex nirnexxu u nkunu kuntenti.
Ix-xemgħa tixgħel u l-purċissjoni wieqfa.
Hemm xi jsir iżda ħadd ma jrid jaħdem.
Bix-xogħol ħotba tagħmel.
Hemm xi wħud li b'xogħolhom xorta waħda ma jleħħqux mal-ħajja, u jkollhom jaqilgħu l-flus minn xogħlijiet oħrajn.
Aħjar tishar milli tbakkar.
Dak li għandek tagħmel agħmlu llum, mhux għada.
Il-qawmien kmieni jsaħħaħ u jtawwal il-ħajja.
Min ibakkar (iqum kmieni) ileħħaq jagħmel ħafna matul il-ġurnata.
Għal naqra melħ tħassarx il-borma.
Għal naqra, agħmel ix-xogħol sew.
Il-bniedem ħaddmu għal rasu biex tkun taf x’jiswa.
Tara bniedem kemm hu kapaċi meta tħallih jagħmel biċċa xogħol waħdu.
Fost l-ixirka min jaħdem u min għażżien.
Hemm min jaħdem u hemm min ma jrid jagħmel xejn.
Bewla bla bassa, kastell bla għassa.
Kull aspett minn biċċa xogħol għandu jsir tajjeb.
Fost l-ixirka min jaħdem u min għażżien.
Hemm min jaħdem u hemm min ma jrid jagħmel xejn.
Imċappas bid-demm u laħam ma jikolx.
Tagħmel ix-xogħol inti u ġieli tispiċċa ma tgawdi xejn minnu.
Ix-xogħol salmura tal-ġisem.
Ix-xogħol fiżiku jsaħħaħ il-ġisem u jipprevjeni l-mard, bħas-salmura li tippreżerva l-ikel.
Id-driegħ għall-ħidma u r-ras għall-misra.
Il-ġisem qiegħed għax-xogħol fiżiku u l-moħħ qiegħed għax-xogħol mentali. Misra tfisser ippjanar.