Dejjem kun onest u għid il-verità.
Biex taqta’ l-għatx trid tmur f’ras il-għajn.
Saqsi direttament lil min kien involut f'xi ħaġa biex tkun taf il-verità.
Il-giddieb irid ikun egħref mill-kittieb.
Min jigdeb bil-fomm irid jagħmel skorz ikbar minn min ikun gideb bil-miktub biex jiftakar xi jkun qal u ma jinqabadx.
Dak li jkun fil-qalb ikun fil-wiċċ.
Dak li jkun hemm f'qalb il-bniedem ikun rifless f'wiċċu.
Bassa daħqa u fiswa lewma.
Ħadd ma jkun irid jammetti meta l-ħati ma jkunx ovvju.
Bniedem tal-ġieħ miġjub minn kulħadd.
Bniedem onest ikollu r-rispett ta' kulħadd.
Mhux kull min għandu snienu bojod jiekol il-ġobon.
L-apparenza tqarraq bik.
Min għandu sebgħu dritt minn xejn ma jibża’.
Min hu onest u ġust m'għandu għalfejn jibża' minn ħadd u minn xejn.
Ara b’għajnejk u tmissx b’idejk.
Titlobx iżjed provi meta diġà rajt b'għejnejk stess.
Il-giddieb irid ikollu rasu tajba.
Min jigdeb irid jiftakar dak li jkun qal biex ma jinqabadx.
Biex taqta’ l-għatx trid tmur f’ras il-għajn.
Saqsi direttament lil min kien involut f'xi ħaġa biex tkun taf il-verità.
Il-qalb teħber.
Jiġu ċirkostanzi fejn inħossu x'ser jiġri.
Mhux dak biss li joħroġ jisraq billejl jissejjaħ ħalliel.
Hemm diversi modi kif tisraq, fosthom billi tbigħ jew tagħti servizz bi prezzijiet qarrieqa.
La ħarġet minn qalbi, ħarġet minn fommi.
Kun sinċier, għidha kif tħossha.
Għid dejjem is-sewwa.
Sabiħ li tgħid il-verità.
Ibża’ minn min iżomm il-kuruna twila.
In-nies ipokriti warrbilhom. Kuruna tfisser kuruna tar-rużarju, li żżommha twila biex kulħadd jaraha.
Bniedem tal-ġieħ miġjub minn kulħadd.
Bniedem onest ikollu r-rispett ta' kulħadd.
Biex taqta’ sewwa trid tisma’ ż-żewġ naħiet.
Trid tisma' lil kull min kien involut f'xi ħaġa biex tasal għall-konklużjoni t-tajba.
Illum min iqarraq u min jitqarraq.
M'għadx hawn onestà fid-dinja, kulħadd jara kif se jqarraq.
Il-giddieb jeħles mill-qattara u jeħel fil-miżieb.
Jekk ma tinqabadx f'gidba żgħira, żgur li tinqabad f'gidba kbira.
Id-duħħan sinjal li hemm in-nar.
Xi ftit verità jkun hemm fit-tqasqis tan-nies.