Ma' kull ħaġa tajba jew ħażina li tiġri, stenna tnejn oħra!
Lil min tniggżu jgħid “ajma”.
Meta tagħmel azzjoni ħażina lil xi ħadd, stenna reazzjoni mingħandu.
Kategoriji: il-ħażin
It-tajjeb ħallas għalih.
Jeħtieġ li tħallas il-flus jekk trid il-kwalità.
M’hemmx warda bla xewk.
Is-sabiħ jiġi mal-ikrah fil-ħajja.
Il-ħadid ħażin dejjem mal-mola jmur.
In-nies ħżiena ma' xulxin jagħmluha. Mola hija dik li bl-Ingliż tissejjaħ grindstone.
Ir-raġuni ma tridx forza.
Ara li hemm il-bilanċ f'dak li tagħmel u ma ssibx problemi.
Fejn hemm il-ħdura ssib l-ilma.
Kull azzjoni, tajba jew ħażina, għandha l-konsegwenzi tagħha.
Aħjar tidħaq milli tibki.
Aħjar tieħu l-affarijiet biċ-ċajt meta jibdew sejrin ħażin.
Il-ħsieb raġel ħażin.
Toqgħodx taħseb ħażin għax spiss titqarraq.
Għal kull niżla hawn telgħa.
Għal kull ħaġa ħażina hemm oħra tajba.
Kulħadd b’xi ħaġa.
Kulħadd għandu t-taqbida tiegħu fil-ħajja, min ħaġa u min oħra.
Kull niżla sewwiqija.
Meta ma jkunx hemm problemi kollox jimxi sew.
Meta l-laħam hu ħażin, agħar jiġi l-brodu.
Mill-affarijiet il-ħżiena joħorġu affarijiet agħar.
Il-ħadid ħażin dejjem mal-mola jmur.
In-nies ħżiena ma' xulxin jagħmluha. Mola hija dik li bl-Ingliż tissejjaħ grindstone.
It-tajjeb jidneb seba’ darbiet.
Kulħadd jiżbalja, anke n-nies twajba.
Lil min jaħralek f’idek tiddejjaqx iċċappashulu ma’ wiċċu.
Qis li tiddefendi lilek innifsek kontra min jipprova jagħmillek il-ħsara.
Ħaxix ħażin aħarqu.
Il-ħażin eħles minnu akkost ta' kollox u oqtlu mill-għeruq.
Ibża’ minn kulħadd u tibża’ minn ħadd.
Dejjem kun ġust u agħmel it-tajjeb, biex ħadd ma jkollu xi jgħid fuqek.
Il-brikkun ma jurix fiex inhu.
Min ikun f'sitwazzjoni ħażina ma jmurx jinkixef ma' ħaddieħor.
Lill-ħażin agħtih biċċa minn dejlek u erħilu jmur.
Aħrab il-ħażin u lil min jaqla' l-inkwiet. Dejlek tfisser id-dublett tiegħek.
Agħmel is-sewwa u ħalli l-baħar iħabbat.
Min jagħmel it-tajjeb jgħix trankwill.
Larinġa ħażina tħassar qartalla.
Il-ħażin dejjem iħassar it-tajjeb. Qartalla tfisser basket kbir tal-qasab.