Dik iċ-ċajta kultant kulħadd iridha.Li niċċajtaw huwa importanti sabiex fil-ħajja ma niffukawx fuq id-dwejjaq biss.
Is-sabiħ maħbub bla ma jaf, l-ikrah mibgħud bla ma jaħti.Wiċċ sabiħ jattirak inkonxjament, mentri wiċċ ikrah jimbuttak anke jekk forsi l-persuna jkollha karattru sabiħ.
Mill-għeneb joħroġ l-inbid, imma joħroġ il-ħall ukoll.Minn kull ħaġa tista' toħroġ it-tajjeb jew il-ħażin, skont l-azzjonijiet tiegħek.
Ma setax idur għall-ħmar, dar għall-berdgħa.Ma setax ipattihielu u minflok dar fuq xi membru tal-familja tiegħu jew xi ħabib tiegħu. Il-berdgħa tirreferi għad-drapp taħt is-sarġ fuq dahar il-ħmar.
Kulħadd b’xi imma, min bis-sabar u min bil-qilla.Kulħadd għandu t-taqbida tiegħu fil-ħajja, hemm min jieħu paċenzja u hemm min jirrabja.
