Aktar ma l-affarijiet jibdew ġejjin ħażin, aktar ikollok xortik ħażina.
Jekk xortih ittih jista’ jintefa’ fil-qiegħ.
Tkun xortik tajba, tagħmel x'tagħmel tajba tibqa'.
B’ħabel jitgħallaq bniedem, b’ħabel isalva ieħor.
Dak li jagħmel il-ħsara lil persuna jista' jagħmel il-ġid lil persuna oħra.
Kulħadd b’xi għilla, min bis-sabar u min bil-qilla.
Kulħadd għandu t-taqbida tiegħu fil-ħajja, hemm min jieħu paċenzja u hemm min jirrabja. Għilla tfisser mard.
Imxi sewwa u ħalli l-baħar iħabbat.
Meta tagħmel it-tajjeb, jiġri x'jiġri jkollok il-kuxjenza nadifa.
L-“ajma ma” qatt ħadd ma qalha għalxejn.
Kulħadd għandu raġuni għaliex jilmenta.
Jagħmel ħażin min jitlaq ruħu mingħajr biskotti.
Għandek dejjem tfittex li tagħmel il-ġid.
Il-ħażin titimgħu ħobżok u jidgħilek.
Tagħmilx pjaċiri lin-nies ħżiena għax f'wiċċek jibqa'.
Dak li baram lili, għada jista’ jiftel lilek.
Ħadd mhu speċjali, jista' jiġrilek kull ħaġa li tista' tiġri lil ħaddieħor.
Lill-ħażin agħtih biċċa minn dejlek u erħilu jmur.
Aħrab il-ħażin u lil min jaqla' l-inkwiet. Dejlek tfisser id-dublett tiegħek.
Il-ħanżir b’xaħmu jinqela.
In-nies ħżiena malajr isibu lil xi ħadd bħalhom li jagħmlilhom il-ħsara.
Is-sabiħ kulħadd jaf jarah.
Kulħadd kapaċi jagħraf x'inhu sabiħ.
L-aktar magħkus imur minn taħt.
Aktar kemm tkun f'sitwazzjoni diffiċli, aktar il-ħajja ttik mill-agħar.
Kulħadd bniedem.
Kulħadd tad-demm u l-laħam u kapaċi jagħmel żball.
Il-ħmar il-magħkus idur għalih id-dubbien.
Aktar kemm tkun f'sitwazzjoni diffiċli, aktar il-ħajja ttik mill-agħar.
It-tajjeb ħallas għalih.
Jeħtieġ li tħallas il-flus jekk trid il-kwalità.
Fid-dinja ħadd mhu tassew kuntent.
Ma ssibx kuntentizza fid-dinja, kulħadd isib fuq xiex jilmenta.
Kulħadd jista’ jkun bla raj.
Kulħadd jista' jieħu żball.
Kulħadd jista’ jkun bla raj.
Kulħadd jista' jieħu żball.
Lil min tniggżu jgħid “ajma”.
Meta tagħmel azzjoni ħażina lil xi ħadd, stenna reazzjoni mingħandu.
Meta tisma’ hemm l-oħrajn, tinsa tiegħek.
Tikkonsla meta tisma' bl-affarijiet il-ħżiena li jiġru lil ħaddieħor.
Beritta ġġib lil oħra, kappell jgħodd ukoll.
Jekk joffrulek xi ħaġa tajba, ħudha.