Meta ma jkunx hemm problemi kollox jimxi sew.
Il-ħażin malajr kulħadd jitgħallmu.
Huwa faċli ħafna li taqa' fit-tentazzjoni li tagħmel il-ħażin.
Kategoriji: il-ħażin
Darba fit-tant tmiss lill-Papa.
It-tajjeb u l-ħażin xi darba lil kulħadd jiġru, anke lin-nies importanti.
Agħmel il-ġid u nsieh; agħmel id-deni u ftakar fih.
Ftakar fid-deni li tkun għamilt biex tpatti għal għemilek.
Kull ħelu fih il-morr.
Ma jistax ikun ikun hemm is-sabiħ mingħajr l-ikrah.
Għal kull lagħqa għasel hemm bettija morr.
L-affarijiet sbieħ li jiġru fil-ħajja huma ftit meta tqabbel mal-affarijiet koroh kollha.
Kull min il-ħobż itellef, għalih ma jsibx jissellef.
Min jagħmel id-deni lil ħaddieħor, ma jsibx ġid mingħand ħaddieħor.
Is-sabiħ maħbub bla ma jaf, l-ikrah mibgħud bla ma jaħti.
Wiċċ sabiħ jattirak inkonxjament, mentri wiċċ ikrah jimbuttak anke jekk forsi l-persuna jkollha karattru sabiħ.
La marret l-id ħa jmorru s-swaba’.
Min ikun għadda minn esperjenza kerha ħafna ma jagħtix kas l-affarijiet iż-żgħar.
Ħaxixa ħażina tikber kullimkien.
Il-ħażin kullimkien issibu, tmur fejn tmur.
Jekk tmiss ħwejġek ma’ ħwejjiġha, jew sentejn jew tiżżewwiġha.
Tagħmel x'tagħmel se teħilha. Sentejn tfisser sentejn ħabs.
Beritta ġġib lil oħra, kappell jgħodd ukoll.
Jekk joffrulek xi ħaġa tajba, ħudha.
Il-ħajjen ma jurix fiex inhu.
Min ikun f'sitwazzjoni ħażina ma jmurx jinkixef ma' ħaddieħor.
It-tajjeb kulħadd jaf jarah.
Kulħadd kapaċi jagħraf x'inhu tajjeb.
F’kollox issib it-tajjeb u l-ħażin.
Kull ħaġa għandha s-sabiħ u l-ikrah tagħha.
Malti tajjeb aħarqu, aħseb u ara ħażin.
L-Għawdxin ma jafdawhomx lill-Maltin.
Fid-dinja ħadd mhu tassew kuntent.
Ma ssibx kuntentizza fid-dinja, kulħadd isib fuq xiex jilmenta.
Min hu xxurtjat jixħitha għal rasha u tiġih fuq saqajha.
Min huwa xortih tajba jagħmel x'jagħmel tiġih tajba.
L-“ajma ma” qatt ħadd ma qalha għalxejn.
Kulħadd għandu raġuni għaliex jilmenta.
Mill-għeneb joħroġ l-inbid, imma joħroġ il-ħall ukoll.
Minn kull ħaġa tista' toħroġ it-tajjeb jew il-ħażin, skont l-azzjonijiet tiegħek.
It-tajjeb kulħadd jaf jarah.
Kulħadd kapaċi jagħraf x'inhu tajjeb.
Kelb li jilgħab bl-irmied tafdalux dqiq.
Bniedem li jagħmel il-ħażin, f'kollox jagħmlu.