Kulħadd għad ipatti tal-ħażin kollu li jkun għamel.
Il-ħażin malajr jingħoġob.
Aktar faċli temmen il-ħażin milli t-tajjeb.
L-aktar magħkus imur minn taħt.
Aktar kemm tkun f'sitwazzjoni diffiċli, aktar il-ħajja ttik mill-agħar.
Meta l-laħam hu ħażin, agħar jiġi l-brodu.
Mill-affarijiet il-ħżiena joħorġu affarijiet agħar.
Min għandu l-faħam miblul kull xkumvata jaħsibha gremxul.
Min jaf li għandu xi ħaġa fuq il-kuxjenza jaħseb ħażin. L-ixkumvat huwa ħelu tradizzjonali Malti tal-Milied.
Ġorġ u Ġanni, tul iż-żmien id-dinja għat-tnejn tgħanni.
Xi darba lil kulħadd tidħaq ix-xorti.
Agħmel is-sewwa u tibża’ minn ħadd.
Min jagħmel it-tajjeb jgħix trankwill.
Kull għajn trid sehemha.
Kulħadd ifittex li jara u jieħu s-sabiħ.
Bagħal magħlub ibelgħen.
Aktar ma l-affarijiet jibdew ġejjin ħażin, aktar ikollok xortik ħażina.
Fuħħara li ġġelġel imxiegħra.
Il-ħażin, ħażin jibqa'. Fuħħara hija reċipjent u "imxiegħra" tfisser "imxaqqa".
Ftakar dejjem f’min jagħmillek il-ġid.
Ftakar f'min xtaqlek u għamillek il-ġid, meta jkun fil-bżonn.
Lil min toqorsu joqmos.
Meta tagħmel azzjoni ħażina lil xi ħadd, stenna reazzjoni mingħandu.
Itfagħha għal rasha forsi tiġi għal saqajha.
Fejn ma tafx, ħu sogru u agħmel xi ħaġa kif ġie ġie - jekk tkun xortik tajba, jaf tiġik tajba wkoll.
It-tiġieġa tbid fejn tiekol in-nuħħala.
Kulħadd irid iwieġeb ta' għemilu, kemm fit-tajjeb kif ukoll fil-ħażin.
Fejn hemm il-ħdura ssib l-ilma.
Kull azzjoni, tajba jew ħażina, għandha l-konsegwenzi tagħha.
Kull qalb trid oħra.
Meta tagħmel it-tajjeb ma' persuna, tistenna l-istess ħaġa mingħandha meta tiġi bżonn.
Il-kelb in-nagħaj idejjaq in-nies tad-dar u tal-ġar.
Superstizzjoni Maltija tgħid li l-klieb li jingħu jbassru xorti ħażina.
Il-logħob tal-idejn iweġġa’ l-għajnejn.
Il-logħob tal-idejn m'għandux ikun.
Kull min jagħmel il-qabar għal sieħbu jindifen fih.
Min jagħmel id-deni lil ħaddieħor, ma jsibx ġid mingħand ħaddieħor; anzi, il-ħajja tpattihielu.
Il-bniedem mogħti għall-ħażen.
Il-bniedem jattirah il-ħażin.
It-triq tan-nofs l-aħjar.
L-estremi dejjem ħżiena - tgħallem immodera.
It-tajjeb jidneb seba’ darbiet.
Kulħadd jiżbalja, anke n-nies twajba.