Mit-tbatija ta' ħaddieħor japprofittaw irwieħhom il-pampaluni.
Malta tixba’ bil-ftit.
Peress li Malta żgħira, ftit għajnuna wkoll biżżejjed.
Kategoriji: is-soċjetà
Il-musmar imsaddad irqiq u jagħmel ħoss.
In-nies ta' klassi baxxa u bla manjieri ma jiswew xejn imma jagħmlu ħafna storbju biex jidhru.
Il-liġi saret bħall-banavolja.
In-nies ħżiena jmorru aħjar mal-ġustizzja mill-vittmi. Banavolja tfisser brikkun.
La kull tina, tina. La kull qargħa, qargħa.
Kulħadd differenti fid-dinja.
Meta jilħaq il-fqir, agħmillu rixa ħalli jtir.
Meta xi ħadd li jkun ġej minn ambjent ta' faqar jilħaq, jitkabbar u jxammar imnieħru.
Kull par għal paru.
Kulħadd ifittex lil min ikun jixbhu: fil-karattru, fl-età, fil-klassi soċjali, eċċ.
Kulma jingħad minn warajja nistmah taħt saqajja.
Dak li n-nies jgħidu minn wara dahrek tagħtix kasu.
Li ssellem hija mġiba tajba, iżda li ssellem huwa dmir.
Kulħadd għandu jsellem għaliex huwa dmir, mhux biss edukazzjoni.
Il-ħuta minn rasha tinten.
F'organizzazzjoni jew ġerarkija, il-problemi jkunu ġejjin mit-tmexxija ħażina tad-diriġenti.
Kul għal qalbek u imxi għal għajn in-nies.
Waħdek agħmel li trid, iżda man-nies imxi mal-kurrent.
In-nies inġies.
In-nies lesti jaqgħu fil-baxx biex jieħdu li jridu.
Il-qorti għatba taż-żift, tmidd sieqek fuqha u teħel.
Ladarba tidħol il-qorti, kun lest għal ħafna kumplikazzjonijiet u skossi.
Meta s-sultan iħoss il-far, jiftaħ in-nar.
Kulħadd jiddefendi lilu nnifsu meta jħossu attakkat. Il-far tfisser l-għadu.
Ħajt tas-sejjieħ la jaqa’ jistrieħ.
F'ċerti sitwazzjonijiet, tagħmel x'tagħmel ma tkunx tista' tgħin lill-persuna.
Dak li jibża’ ma jitteħidx.
Min joqgħod attent ma min jagħmilha fis-soċjetà ma jiħux eżempji ħżiena.
Aħbar ħażina malajr tinxtered.
Aħbar ħażina kulħadd jieħu interess fiha.
Il-kok ta’ wiċċ il-borma jiekol.
In-nies imlaħħqin japprofittaw mill-pożizzjoni tagħhom, bħall-kok li jiekol l-aħjar parti.
Lill-furnar ħobża islifhielu, għax jekk ma jroddhilekx issib kif teħodhielu.
Tħabbeb ma' min għandu l-flus jew l-awtorità, tmur minn fuq tista'.
Akbar m’aħna, akbar qnatarna.
Aktar ma jkollok kariga għolja, aktar għandek responsabbiltajiet.
Jisbaħ bis-serduq u jisbaħ bla serduq.
Ħadd mhu importanti daqs kemm jaħseb fid-dinja.
Ħadd ma mess is-sema b’idu.
Ħadd mhu partikolarment speċjali, twarrab inti jeħodlok postok ħaddieħor.