Dejjem hemm xi ħadd aqwa minnek, int min int u għandek setgħa kemm għandek setgħa.
Kulħadd jiġbed għalih sakemm jara l-qiegħ.
Kulħadd lejn l-interessi tiegħu jħares, sal-aħħar nett.
Kategoriji: is-soċjetà
Jekk jiena nibni kulħadd iweġibni.
Meta jkollok il-propjetà, ifisser li inti tal-flus u n-nies jibdew jirrispettawk iżjed.
Borma bejn l-ixirka jew nejja jew maħruqa.
L-affarijiet ma jimxux sew meta jkun hemm ħafna mexxejja.
Il-kelb qabel ma tinbxu kun af sidu min hu.
Qabel tiksirha minn ma' xi ħadd, qis li tkun taf min hu u sa fejn kapaċi jasal.
Il-ħmar li jġorr l-inbid jixrob l-ilma.
Mit-tbatija ta' ħaddieħor japprofittaw irwieħhom il-pampaluni.
Kull qabil għal qabilu.
Kulħadd ifittex lil min ikun jixbhu: fil-karattru, fl-età, fil-klassi soċjali, eċċ. Qabil tfisser speċi (species).
Il-ħotra tegħleb il-kotra.
In-nies trid taċċetta lil min intgħażel biex imexxi, bħal f'elezzjoni. Il-ħotra tfisser l-għażla u l-kotra huma n-nies fis-soċjetà.
Kull par għal paru.
Kulħadd ifittex lil min ikun jixbhu: fil-karattru, fl-età, fil-klassi soċjali, eċċ.
Il-liġi tiġġebbed kemm tridha.
Il-liġi tista' tiġi interpretata b'diversi modi, skont min int u lil min taf.
Man-nies jew bla saħħa jew bla ġieħ.
Man-nies jew tieħu saħħtek biex tikseb xi ħaġa, jew titlef ġieħek biex takkwista li trid.
Li ssellem hija mġiba tajba, iżda li ssellem huwa dmir.
Kulħadd għandu jsellem għaliex huwa dmir, mhux biss edukazzjoni.
Kull qabil għal qabilu.
Kulħadd ifittex lil min ikun jixbhu: fil-karattru, fl-età, fil-klassi soċjali, eċċ. Qabil tfisser speċi (species).
Il-ġustizzja fis-sema tinstab.
Fid-dinja m'hawnx ġustizzja.
Fil-għaqda s-saħħa.
Meta nkunu magħqudin inkunu iżjed b'saħħitna u jkun iżjed diffiċli tegħlibna.
Akbar m’int, akbar hu hemmek.
Aktar ma jkollok pożizzjoni għolja, aktar għandek responsabbiltà u inkwiet.
Il-musmar imsaddad irqiq u jagħmel ħoss.
In-nies ta' klassi baxxa u bla manjieri ma jiswew xejn imma jagħmlu ħafna storbju biex jidhru.
Il-ħuta ż-żgħira qatt ma kielet il-ħuta l-kbira.
Ma tista' tagħmel xejn kontra min għandu iżjed setgħa minnek.
Il-ġustizzja fis-sema tinstab.
Fid-dinja m'hawnx ġustizzja.
Kap ġdid, liġi ġdida.
Meta tinbidel it-tmexxija, ikun hemm il-bidla.
Kulħadd jaf għal tiegħu.
Kulħadd lejn l-interessi tiegħu jħares.
M’hemmx żiemel li jiġri wisq u ma sabx ieħor li għaddieh.
Dejjem ser issib xi ħadd aqwa minnek, tajjeb kemm inti tajjeb.