Ix-xogħol meqjus bħala baxx bilfors irid jagħmlu xi ħadd.
Jekk terfa’ l-ġlekk taqla’ u jekk ma terfgħux ukoll.
Tagħmel x'tagħmel dejjem taqlagħha ġo wiċċek.
Kategoriji: is-soċjetà
Il-liġijiet għal kulħadd xorta waħda.
Suppost li kulħadd indaqs f'għajnejn il-liġi.
L-għassa mbajda u l-ispettur ġdid.
L-affarijiet jinbidlu meta jilħaq xi ħadd ġdid f'pożizzjoni ta' awtorità.
Il-ġustizzja fis-sema tinstab.
Fid-dinja m'hawnx ġustizzja.
Ir-rigali ktajjen fl-idejn u bżar fl-għajnejn.
Meta tirċievi rigal u taċċettah, tispiċċa tintrabat.
L-ilsir ikollu jbus l-id li jixtieq maqtugħa.
Kultant ikollna nagħmlu affarijiet li ma nixtiqux nagħmlu.
Il-wegħda jew ittemmha jew ittemmek.
Superstizzjoni Maltija fejn kienu jemmnu li jekk ma ttemmx wegħda, jiġrulek affarijiet ħżiena.
Ħadd ma jġib xejn minn żaqq ommu.
Ħadd ma twieled speċjali iżjed minn ħaddieħor.
Il-kok ta’ wiċċ il-borma jiekol.
In-nies imlaħħqin japprofittaw mill-pożizzjoni tagħhom, bħall-kok li jiekol l-aħjar parti.
Il-kelb qabel ma tinbxu kun af sidu min hu.
Qabel tiksirha minn ma' xi ħadd, qis li tkun taf min hu u sa fejn kapaċi jasal.
Il-ħuta l-kbira dejjem kielet iż-żgħira.
Ma tista' tagħmel xejn kontra min għandu iżjed setgħa minnek.
Dak li jibża’ ma jitteħidx.
Min joqgħod attent ma min jagħmilha fis-soċjetà ma jiħux eżempji ħżiena.
Aħjar tobdi milli tikkmanda.
Min imexxi għandu iżjed responsabbiltà.
Meta tidħol il-qorti, inti tiekol sardina u l-avukat jiekol gallina.
L-avukati jagħmlu kemxa flus ġmielha minn fuq dahrek meta jkollok xi każ il-qorti.
Jekk l-ixkupa ma jaqbadhiex il-kennies taqbadha r-reġina.
Ix-xogħol meqjus bħala baxx bilfors irid jagħmlu xi ħadd.
Kulħadd fis-setgħa tiegħu.
Kulħadd għandu limitu sa fejn jista' jasal, skont kemm għandu poter fis-soċjetà.
Għall-kotra m’hemmx tarf.
Diffiċli tintgħażel meta tkun fil-folla.
Il-ħotra tegħleb il-kotra.
In-nies trid taċċetta lil min intgħażel biex imexxi, bħal f'elezzjoni. Il-ħotra tfisser l-għażla u l-kotra huma n-nies fis-soċjetà.
Għall-kotra m’hemmx tarf.
Diffiċli tintgħażel meta tkun fil-folla.
Kulma jingħad minn warajja nistmah taħt saqajja.
Dak li n-nies jgħidu minn wara dahrek tagħtix kasu.
Il-ġustizzja tkabbar nazzjon u d-dnub jirvinaha.
Il-ġustizzja ssawwar is-sens morali ta' nazzjon, iżda l-azzjonijiet ħżiena jeqirduha.