Meta tirċievi rigal u taċċettah, tispiċċa tintrabat.
Ħadd għadu ma twieled bil-ħwejjeġ.
Ħadd ma twieled speċjali iżjed minn ħaddieħor.
Kategoriji: is-soċjetà
Il-wegħda jew ittemmha jew ittemmek.
Superstizzjoni Maltija fejn kienu jemmnu li jekk ma ttemmx wegħda, jiġrulek affarijiet ħżiena.
Bil-ħabba l-ħabba tikber u titrabba.
Min jitwieled f'familja mhux tal-flus irid jagħmel iżjed sforz biex fis-soċjetà jsib postu.
Ħalli x-xini jimxi għal ġenbu.
In-nies jgħidu ħafna xorti imma f'idejk kemm tagħti kashom.
Daqqa ta’ għama semagħha trux.
Jekk min suppost qed imexxi ma jikkonvinċix bl-argumenti tiegħu, ħadd ma jagħti kasu.
Il-liġi donnha mhix għal kulħadd xorta waħda.
Tistenniex ġustizzja fid-dinja.
Id-dmir jagħmlek ilsir.
Dmirijietna jeħtieġ li naqduhom, anke jekk m'għandniex aptit.
Il-ħotra tegħleb il-kotra.
In-nies trid taċċetta lil min intgħażel biex imexxi, bħal f'elezzjoni. Il-ħotra tfisser l-għażla u l-kotra huma n-nies fis-soċjetà.
Il-banda ddoqq u l-bajtar dieħel.
Meta ħadd ma jkun jimpurtah kollox imur ħażin.
Minħabba wieħed jeħel kulħadd.
Fid-dinja m'hawnx ġustizzja, l-innoċenti jeħel ma' min għandu tort.
Id-drawwa hija t-tieni din.
Id-drawwiet ta' poplu ma jinqatgħux kif ġieb u laħaq. Din tfisser reliġjon.
Il-ġustizzja tkabbar nazzjon u d-dnub jirvinaha.
Il-ġustizzja ssawwar is-sens morali ta' nazzjon, iżda l-azzjonijiet ħżiena jeqirduha.
Fejn hemm is-susa, il-ġlied ma jonqosx.
Meta l-morali tas-soċjetà jibdew jiddgħajfu, jinqala' l-inkwiet.
Ħadd ma jaħsillek wiċċek biex tkun isbaħ minnu.
Kulħadd ifittex li jkun aħjar minn ħaddieħor.
Avukat jekk ma jiħdux Alla jieħdu x-xitan.
Avukat ħażin fl-aħħar mill-aħħar jieħu dak li ħaqqu.
L-għaqda ġġib is-saħħa.
Meta nkunu magħqudin inkunu iżjed b'saħħitna u jkun iżjed diffiċli tegħlibna.
Id-drawwa hija t-tieni natura.
Id-drawwiet ta' poplu ma jinqatgħux kif ġieb u laħaq.
L-għassa mbajda u l-ispettur ġdid.
L-affarijiet jinbidlu meta jilħaq xi ħadd ġdid f'pożizzjoni ta' awtorità.
Ħadd ma jinħtieġ għal ħadd.
Ħadd mhu partikolarment speċjali, twarrab inti jeħodlok postok ħaddieħor.
Aħjar tikkmanda x-xjaten milli jikkmandawk l-anġli.
Aħjar tikkmanda inti u b'mod forsi mhux daqshekk tajjeb, milli jkollok issegwi l-kmand ta' ħaddieħor.
Bik amir u bija amir, min se jsuq il-ħmir?
Jeħtieġ li xi ħadd wieħed biss imexxi.