Avukat ħażin fl-aħħar mill-aħħar jieħu dak li ħaqqu.
Fid-dinja mhux sewwa, min jirkeb u min iniegħel.
Fid-dinja m'hawnx ġustizzja; ħafna jgawdu spejjeż ħaddieħor.
Kategoriji: il-ġustizzja | is-soċjetà
Kull qawwi hawn ieħor għalih.
Dejjem hemm xi ħadd aqwa minnek, int min int u għandek setgħa kemm għandek setgħa.
Il-ħuta ż-żgħira qatt ma kielet il-ħuta l-kbira.
Ma tista' tagħmel xejn kontra min għandu iżjed setgħa minnek.
Ħadd għadu ma twieled bil-ħwejjeġ.
Ħadd ma twieled speċjali iżjed minn ħaddieħor.
Ħadd ma jaħsillek wiċċek biex tkun isbaħ minnu.
Kulħadd ifittex li jkun aħjar minn ħaddieħor.
Jekk jiena nibni kulħadd iweġibni.
Meta jkollok il-propjetà, ifisser li inti tal-flus u n-nies jibdew jirrispettawk iżjed.
Ħajt tad-dell ftit ħajr fih u x-xemx jeħtieġha.
Min hu dgħajjef jeħtieġ l-għajnuna, ma jistax jagħtiha hu lil ħaddieħor.
Il-ħajjat qalzietu mraqqa’.
Min joffri servizz tajjeb lil ħaddieħor jispiċċa joffri l-istess servizz ħażin lilu nnifsu.
Fil-għaqda s-saħħa.
Meta nkunu magħqudin inkunu iżjed b'saħħitna u jkun iżjed diffiċli tegħlibna.
Kul għal qalbek u imxi għal għajn in-nies.
Waħdek agħmel li trid, iżda man-nies imxi mal-kurrent.
Ħadd ma mess is-sema b’idu.
Ħadd mhu partikolarment speċjali, twarrab inti jeħodlok postok ħaddieħor.
L-għaqda ġġib is-saħħa.
Meta nkunu magħqudin inkunu iżjed b'saħħitna u jkun iżjed diffiċli tegħlibna.
Is-smigħ ma fihx irfigħ.
Min jeżegwixxi l-ordnijiet ta' dawk ta' fuqu, ma jerfa' l-ebda responsabbiltà.
Iż-żgħir qatt ma jaħseb tajjeb fil-kbir.
Dawk li fis-soċjetà jgħixu modestament jew m'humiex imlaħħqin dejjem jaħsbu ħażin f'min għandu ħafna flus jew ikun imlaħħaq.
Il-ġustizzja fis-sema tinstab.
Fid-dinja m'hawnx ġustizzja.
Il-wegħda jew ittemmha jew ittemmek.
Superstizzjoni Maltija fejn kienu jemmnu li jekk ma ttemmx wegħda, jiġrulek affarijiet ħżiena.
Ħajt tas-sejjieħ la jaqa’ jistrieħ.
F'ċerti sitwazzjonijiet, tagħmel x'tagħmel ma tkunx tista' tgħin lill-persuna.
Iż-żgħir dejjem minn taħt.
Dawk li m'għandhomx setgħa jkollhom joqogħdu għal min ikun fuqhom.
Il-kelb qabel ma tinbxu kun af sidu min hu.
Qabel tiksirha minn ma' xi ħadd, qis li tkun taf min hu u sa fejn kapaċi jasal.
Dejjem sebaħ bla serduq.
Ħadd mhu daqshekk importanti fid-dinja li ma jistax jeħodlu postu ħaddieħor.
Fil-għaqda s-saħħa.
Meta nkunu magħqudin inkunu iżjed b'saħħitna u jkun iżjed diffiċli tegħlibna.