Il-ġustizzja ssawwar is-sens morali ta' nazzjon, iżda l-azzjonijiet ħżiena jeqirduha.
B’laqxa waħda ma ssajjarx.
Kultant biex timxi 'l quddiem ftit għajnuna mhix biżżejjed.
Kategoriji: is-soċjetà
Ma jmutx re u jitfaċċa ieħor aħjar minnu.
Meta jinbidel il-mexxej ta' xi organizzazzjoni, stennieh ikun agħar mhux aħjar.
Ħajt tas-sejjieħ la jaqa’ jistrieħ.
F'ċerti sitwazzjonijiet, tagħmel x'tagħmel ma tkunx tista' tgħin lill-persuna.
Aħjar tobdi milli tikkmanda.
Min imexxi għandu iżjed responsabbiltà.
Drabi felula tfaqqas oħra.
Jekk abbuż wieħed ma jsir xejn dwaru, isiru oħrajn warajh.
Kulħadd iħobb jikkmanda.
Kulħadd jaħseb li tiegħu tajjeb.
Il-knisja tagħna u l-kappillan qaribna.
L-influwenza tal-kappillan hija kbira u jkun jista' jġib li jrid għall-parruċċana.
Dejjem sebaħ bla serduq.
Ħadd mhu daqshekk importanti fid-dinja li ma jistax jeħodlu postu ħaddieħor.
Kulħadd jaf hu fiex inhu.
Ħu ħsieb l-affarijiet tiegħek u ħallik minn ħaddieħor.
Id-drawwa hija t-tieni natura.
Id-drawwiet ta' poplu ma jinqatgħux kif ġieb u laħaq.
L-aħjar kulħadd merqtu u ftietu.
Ara l-affarijiet tiegħek u ħalli lil ħaddieħor bi kwietu.
Il-pastizz m’għandux jinkiser qabel ma tkun tlieta.
Superstizzjoni Maltija fejn kienu jemmnu li biex tiekol il-pastizzi trid tkun grupp ta' tlieta.
Iż-żgħir qatt ma jaħseb tajjeb fil-kbir.
Dawk li fis-soċjetà jgħixu modestament jew m'humiex imlaħħqin dejjem jaħsbu ħażin f'min għandu ħafna flus jew ikun imlaħħaq.
L-għaqda ġġib is-saħħa.
Meta nkunu magħqudin inkunu iżjed b'saħħitna u jkun iżjed diffiċli tegħlibna.
Il-qorti għatba taż-żift, tmidd sieqek fuqha u teħel.
Ladarba tidħol il-qorti, kun lest għal ħafna kumplikazzjonijiet u skossi.
Fejn ikun hemm l-għasel, ikun hemm in-naħal.
Fejn hemm il-ġid kulħadd irid biċċa.
Kappell ma jmejjilx ieħor.
Min ikun f'pożizzjoni ta' awtorità ma jwaqqax lil ħaddieħor li jkun fl-istess f'pożizzjoni, anzi ġieli jikkonfoffa miegħu.
L-aħjar kulħadd merqtu u ftietu.
Ara l-affarijiet tiegħek u ħalli lil ħaddieħor bi kwietu.
Il-ħotra tegħleb il-kotra.
In-nies trid taċċetta lil min intgħażel biex imexxi, bħal f'elezzjoni. Il-ħotra tfisser l-għażla u l-kotra huma n-nies fis-soċjetà.
Is-smigħ ma fihx irfigħ.
Min jeżegwixxi l-ordnijiet ta' dawk ta' fuqu, ma jerfa' l-ebda responsabbiltà.
Ħadd ma jagħmel imsarnu f’żaqqu.
Kulħadd ifittex li jkun aħjar minn ħaddieħor.