Nies impikati ma' xulxin jaħdmu u jistinkaw kemm jifilħu biex iġibu fix-xejn lill-avversarji tagħhom, anke akkost li jagħmlu l-ħsara lilhom infushom.
Il-ħuta ż-żgħira qatt ma kielet il-ħuta l-kbira.
Ma tista' tagħmel xejn kontra min għandu iżjed setgħa minnek.
Is-sagristan jekk ma jmissx max-xema’ jmiss mar-ruttan.
Meta ma jkun hemm ħadd jissorvelja, kulħadd jagħmel li jrid, bħas-sagristan diżonest li jobrom li jista'. Ruttan tfisser xema' mdewba.
Ma jmutx re u jitfaċċa ieħor aħjar minnu.
Meta jinbidel il-mexxej ta' xi organizzazzjoni, stennieh ikun agħar mhux aħjar.
Kulħadd tajjeb iżda ibża’ minn kulħadd.
Kulħadd għandu t-tajjeb tiegħu, iżda xorta waħda tafdax.
Id taħsel l-oħra, u t-tnejn jaħslu l-wiċċ.
Il-korruzzjoni hekk taħdem u toktor, kulħadd jagħmel il-pjaċiri lil xulxin.
M’hemmx żiemel li jiġri wisq u ma sabx ieħor li għaddieh.
Dejjem ser issib xi ħadd aqwa minnek, tajjeb kemm inti tajjeb.
B’laqxa waħda ma ssajjarx.
Kultant biex timxi 'l quddiem ftit għajnuna mhix biżżejjed.
Akbar m’int, akbar hu hemmek.
Aktar ma jkollok pożizzjoni għolja, aktar għandek responsabbiltà u inkwiet.
Malta żgħira u n-nies magħrufa.
Malta pajjiż żgħir u kulħadd jaf lil xulxin, jiġifieri oqgħod attent.
Il-kelb qabel ma tinbxu kun af sidu min hu.
Qabel tiksirha minn ma' xi ħadd, qis li tkun taf min hu u sa fejn kapaċi jasal.
Ħadd ma jrid il-pulizija/ġustizzja/ħaqq wara biebu/daru.
Kulħadd ifittex li ma jxellifx difrejh mal-ġustizzja.
L-għaqda ġġib is-saħħa.
Meta nkunu magħqudin inkunu iżjed b'saħħitna u jkun iżjed diffiċli tegħlibna.
L-għassa mbajda u l-ispettur ġdid.
L-affarijiet jinbidlu meta jilħaq xi ħadd ġdid f'pożizzjoni ta' awtorità.
Minħabba wieħed jeħel kulħadd.
Fid-dinja m'hawnx ġustizzja, l-innoċenti jeħel ma' min għandu tort.
Lill-furnar ħobża islifhielu, għax jekk ma jroddhilekx issib kif teħodhielu.
Tħabbeb ma' min għandu l-flus jew l-awtorità, tmur minn fuq tista'.
Il-ġustizzja tkabbar nazzjon u d-dnub jirvinaha.
Il-ġustizzja ssawwar is-sens morali ta' nazzjon, iżda l-azzjonijiet ħżiena jeqirduha.
Id taħsel l-oħra, u t-tnejn jaħslu l-wiċċ.
Il-korruzzjoni hekk taħdem u toktor, kulħadd jagħmel il-pjaċiri lil xulxin.
Il-liġi taqbad il-ħuta ż-żgħira.
Maż-żgħir il-ġustizzja għandha ħafna saħħa, iżda mhux mal-kbir.
Il-qorti fiha bieb mnejn tidħol u le mnejn toħroġ.
Il-kawżi l-qorti jdumu ħafna biex jinqatgħu.
Fejn hemm is-susa, il-ġlied ma jonqosx.
Meta l-morali tas-soċjetà jibdew jiddgħajfu, jinqala' l-inkwiet.