Il-ħafna inkwiet tieħdu minn saħħtek u joqtlok.
Il-fellieħ jobgħod is-sellieħ.
Min huwa b'saħħtu (fellieħ = wieħed li jiflaħ) ma jistax għal min huwa dgħajjef u marid (sellieħ = wieħed marid).
Jgħidu “Trid?” il-marid.
Għin lil min hu marid, iżda wkoll lil kull min tara fil-bżonn.
Il-marid jgħid ajma.
Min hu marid ħallih jesprimi d-diqa tiegħu.
Id-duwa ogħla mix-xahar.
L-għajnuna soċjali li jagħti l-gvern kull xahar jaf ma tkunx biżżejjed biex tkopri l-ħtiġijiet ta' min m'għandux ħafna flus. Duwa tfisser mediċina.
Aħjar bl-aptit inkella bit-tabib.
Meta tkun f’saħħtek tkun f’aptitek.
Ir-riġel irid is-sodda u l-id trid il-maktur.
Tipi differenti ta' wġigħ jeħtieġu tipi differenti ta' kura. Bl-istess mod, kull sitwazzjoni jeħtieġ li tissolva skont x'inhi.
Il-mard ħallih jitqalleb.
Min hu marid ħallih jesprimi d-diqa tiegħu.
Ġisem bla suf ma jkabbarx ġuf.
Raġel għandu jkun f'saħħtu biex jagħmel it-tfal.
Il-bażwi jkun jaf x’riħ hu.
Dari kienu jemmnu li l-morda kienu jħossu r-riħ idur.
Il-maħsus u l-imdejjaq ħajrhom batal.
Min jitlef saħħtu ma jkunx jista' jgawdi l-ħajja. Maħsus tfisser marid.
Il-bniedem mimli bl-għilla.
Il-bniedem mard u xorti ħażina għandu.
Agħmel ħbieb mat-tabib qabel ma tkun marid.
L-għażliet it-tajba għal saħħtek għandek tagħmilhom qabel timrad.
Il-mard jidħol bl-irtal u joħroġ bl-uqija.
Il-mard jiġi meta ma tkunx qed tistennieh u jdum biex jgħaddi. "Irtal" (pl.ta' ratal) u "uqija" huma kejl tal-użin, fejn uqija hija 1⁄30 ta' ratal.
Ħawsla tajba, ġewnaħ miksur.
Hemm min jimrad, iżda xorta ma jaqtax l-aptit.
Il-mard ħallih jitqalleb.
Min hu marid ħallih jesprimi d-diqa tiegħu.
Id-duwa mhix xuwa.
Biex tfiq ikollok tieħu l-mediċina.
Il-bniedem ma jgħixx bil-ħobż biss.
Il-bniedem għandu bżonn jitma' mhux biss ġismu iżda anke ruħu biex ikun f'saħħtu.
Il-ħsieb jaf jifni u jtemm il-bniedem.
Il-ħafna inkwiet tieħdu minn saħħtek u joqtlok.
Is-saħħa tkun taf kemm tiswa meta titlifha.
Għandek toqgħod attent għal saħħtek, għad jasal mument fejn titlaqlek.
Għan-natura m’hemmx tabib.
In-natura dejjem tieħu l-perkors tagħha.
Ġisem bla suf ma jkabbarx ġuf.
Raġel għandu jkun f'saħħtu biex jagħmel it-tfal.