Għax tiżbalja mqar darba, in-nies jinsew il-pjaċiri kollha li tkun għamiltilhom qabel.
Min jibża’ jibqa’ d-dar.
Min ma jridx ikollu x'jaqsam man-nies ma jidhirx fil-pubbliku.
Kategoriji: ir-relazzjonijiet
Aħjar għajrek minn dellek.
Meta tiġi bżonn, il-ġirien ġieli ssibhom iżjed minn ommok.
Aqta’ jiesek u berred bużbieżek.
Min ma jħobbokx mhux se jagħmillek pjaċiri.
Bil-kelma t-tajba sal-far joħroġ mit-tqajba.
Bil-ġentilezza jirnexxilek tieħu li trid mingħand xi ħadd.
Ftit huma l-veri ħbieb.
Fil-ħajja mhux faċli ssib ħbieb ġenwini.
Kif tkejjel ikejluk.
Kif iġġib ruħek man-nies inti, hekk iġibu ruħhom huma miegħek.
Bla qaddisin ma tmurx il-ġenna.
Fid-dinja għandek bżonn il-ħbieb biex tirnexxi.
Aħjar taqta’ int jew jaqtgħulek.
Aħjar issolvi kwistjoni barra mill-qorti biex ma teħilx flus żejda jekk ikollok tort.
Kulħadd għandu min iħobbu u min jobogħdu.
Ma jistax ikun li tkun maħbub minn kulħadd.
Ġirienek f’darek, ġurdien f’għamarek.
Tagħtix kunfidenzi żejda lill-ġirien u ħu ħsieb il-privatezza ta' darek.
Agħżel lil ħbiebek u ħalli lil ħbiebek jagħżlu lilek.
Bl-istess mod li l-oħrajn ifittxu lilek għax inti kumpanija tajba, agħraf agħmel l-istess.
Kif tiżra’ jinbitlek, kif issajjar tiekol.
Kif iġġib ruħek man-nies inti, hekk iġibu ruħhom huma miegħek.
Jekk il-bniedem tagħtih il-kunfidenza idaħħlek fil-gradenza.
Il-kunfidenza żejda man-nies m'għandekx xi tridha, għax jistgħu jabbużaw minnek eż. billi jisirquk f'darek stess.
Aħjar kisra sewda d-dar milli għasel għand il-ġar.
Tajjeb li tkun kuntent b'li għandek minflok tiddependi fuq ħaddieħor jew tixtieq tiegħu.
Aħjar nuħħalti minn smid ġarti.
Aħjar dak li hu tiegħi, minkejja li tal-ġara forsi aħjar.
Il-ħniena kienet u tkun, inkella m’hemmx iżjed dinja.
Għandek tħenn għalik innifsek u għall-oħrajn fid-dinja.
Ħobb lil ġarek iżda ddaħħlux f’darek.
M’hemmx kunfidenzi żejda mal-ġirien.
Ħobb lil għajrek, qarib u għarib.
Ħobb lil kulħadd bl-istess mod. Għarib tfisser barrani.
Aħjar issuq erba’ żwiemel minn ħmar.
Aktar faċli tagħmilha ma' nies intelliġenti milli mal-injoranti.
Fejn hemm il-ftehim il-basal isir laħam.
Meta jintlaħaq ftehim l-impossibbli jsir possibbli.
Kif iżżomm ruħek, in-nies iżżommok.
Il-mod ta' kif tittratta lilek innifsek huwa riflessjoni ta' kif jittrattak ħaddieħor.