Tajjeb li tkun kuntent b'li għandek minflok tiddependi fuq ħaddieħor jew tixtieq tiegħu.
Min ibusek fuq ġbinek jurik nofs ħiltek.
Bewsa fuq ġbinek (moħħok) mhix bewsa intima li tiftaħ il-bieb għall-kunfidenzi żejda.
Kategoriji: ir-relazzjonijiet
Erfa’ salibek u ħallik min-nies.
Ara l-affarijiet tiegħek u ħalli lil ħaddieħor bi kwietu.
Fit-tgawdija kulħadd merħba bik, fit-tbatija kulħadd iħallik.
Meta kollox ikun sejjer sew iduru miegħek il-ħbieb, u meta kollox jibda sejjer ħażin jabbandunawk.
L-akbar ġlieda ta’ bejn il-ħbieb.
Il-ħbieb ikunu jafu lil xulxin sew u l-ġlied ikun ikbar.
Kif tagħmel issib.
Kif iġġib ruħek man-nies inti, hekk iġibu ruħhom huma miegħek.
Min jidħol għalik idħol għalih.
Min jgħinek meta tkun fil-bżonn, qis li tagħmel l-istess għalih.
Min ikun tassew irid, mhux se joqgħod jistaqsik.
Min ikun irid tassew jgħinek, ma joqgħodx jistaqsik għandekx bżonn l-għajnuna: jaqbad u jgħinek.
Min jittiekel għal ġaru, jibqa’ bla għaxa f’daru.
Min jagħti wisq milli għandu jispiċċa jbati. Bla għaxa tfisser bla ikel.
Ħares tajjeb lil darek u la tħallilx lil ġarek.
Ħu ħsieb l-affarijiet tiegħek u twaqqax lil ħaddieħor fit-tentazzjoni billi tħalli oġġetti ta' valur fid-deher.
L-għajnuna kulħadd jixtieqha.
Kulħadd japprezzaha l-għajnuna.
Kif iddoqqli niżfinlek.
Kif iġġib ruħek miegħi inti, inġib ruħi miegħek jiena.
L-ilbies jagħmlek nies.
In-nies jirrispettawk skont kif tilbes u kemm tieħu ħsieb persuntek.
Tindaħalx fejn ma jesgħekx.
Agħmel l-affarijiet tiegħek u ħalli lil ħaddieħor bi kwietu.
Min jibża’ mill-għarnuq ma jiżrax ful.
Min ma jridx li n-nies jgħidu bih, m'għandux jgħid fuq in-nies.
Min jiġi jżurek mhux għalxejn.
Min jindiehes miegħek sinjal li għandu bżonn xi ħaġa mingħandek.
Min jimpika jispikka.
Min jimpika aħjar ikun ċert li jista' jirbaħ għax l-attenzjoni tkun fuqu, u jekk jitlef jaqa' iżjed għaċ-ċajt.
Aħjar taqta’ int jew jaqtgħulek.
Aħjar issolvi kwistjoni barra mill-qorti biex ma teħilx flus żejda jekk ikollok tort.
Bil-kelma t-tajba joħroġ il-far mit-toqba.
Bil-ġentilezza jirnexxilek tieħu li trid mingħand xi ħadd.
Lil min issemmih lesti x’tagħtih.
Semmi lil xi ħadd u kumbinazzjoni tarah ġej.
Min jidħol għalik idħol għalih.
Min jgħinek meta tkun fil-bżonn, qis li tagħmel l-istess għalih.
Min jitma fil-ġar xejn ma jitma’ lil tad-dar.
Tistenniex għajnuna mingħand il-ġirien għax toħroġ diżappuntat.