Qwiel Maltin | Maltese Proverbs | Li kieku l-għira kienet bażwija, kieku kulħadd bażwi.

Bħalma lilek hekk lil għajrek.

Qis li tħobb lill-proxxmu tiegħek, bħalek innifsek.

In-nies jirrispettawk skont kif tilbes u kemm tieħu ħsieb persuntek; l-ilbies saħansitra ġabar lil Ġaħan mill-injoranza tiegħu.

Aħjar tiegħek f'tiegħek f'ambjent umli milli f'ambjent sabiħ fejn ikollok isseffaq wiċċek man-nies.

Il-ħbieb ikunu jafu lil xulxin sew u l-ġlied ikun ikbar.

Tnejn min-nies jiftiehmu malajr u aktar kemm iżżid nies, aktar isir diffiċli tiftiehem.

Bil-ġentilezza jirnexxilek tieħu li trid mingħand xi ħadd.

Meta jintlaħaq ftehim l-impossibbli jsir possibbli.

F'sitwazzjoni ta' urġenza min jinzerta ħdejk jista' jtik l-ewwel għajnuna.

Ma' ħaddieħor kun qalbek tajba, imma miegħek innifsek kun strett.

Min hu għajnejh blu jsaħħrek u jagħmel bik li jrid. Żoroq tfisser blu.

Fid-dinja għandek bżonn il-ħbieb u l-kuntatti biex tirnexxi.

Ġieli tant ikollok ġirien diffiċli li ma jkollokx għażla oħra ħlief li titlaq mit-triq.

Il-ħbieb ta' veru tagħrafhom meta tkun fil-bżonn. Ħmum tfisser għawġ u l-għemum huma l-ħbieb.

Kif iġġib ruħek man-nies inti, hekk iġibu ruħhom huma miegħek.

Kif tagħmel jagħmlulek.

Aħjar tagħmel ħbieb ma' dawk ta' madwar xi ħadd li trid mingħandu.

Ara l-affarijiet tiegħek u ħalli lil ħaddieħor bi kwietu.

Il-wegħdiet malajr isiru u malajr jintesew.

Kultant il-ħbieb ma ssibhomx fil-mument tal-bżonn.

Kif tagħmel jagħmlulek.

Tagħtix kunfidenzi żejda lill-ġirien u ħu ħsieb il-privatezza ta' darek.