Qis li l-ftehim ikun sod.
Bogħod mill-għajn, bogħod mill-qalb.
Lil min tkun ilek ma tarah tinsieh.
Kategoriji: ir-relazzjonijiet
Għajn b’għajn, sinna b’sinna.
Kif tagħmel jagħmlulek.
Id-dinja katina, ħolqa wara ħolqa.
Kulħadd għandu bżonn l-għajnuna ta' ħaddieħor fid-dinja.
Ħadd ma jaħraq il-kamra li joqgħod fiha.
Meta xi ħadd ikun kompliċi f'xi ħaġa ħażina, mhux ser jikxef lill-kompliċi l-oħrajn għax ibati hu.
Ilħaq għastek biss u mhux għast ħaddieħor.
Ara l-affarijiet tiegħek u ħalli lil ħaddieħor bi kwietu.
Aħjar taqta’ int jew jaqtgħulek.
Aħjar issolvi kwistjoni barra mill-qorti biex ma teħilx flus żejda jekk ikollok tort.
Li ma tridx lilek lanqas imissek tridu lil għajrek.
Ittratta lil ħaddieħor bħalma tittratta lilek innifsek - jiġifieri tajjeb.
Bil-kappell li kelli sellimtlek.
Għamilt għalik dak li stajt.
Fit-tgawdija kulħadd merħba bik, fit-tbatija kulħadd iħallik.
Meta kollox ikun sejjer sew iduru miegħek il-ħbieb, u meta kollox jibda sejjer ħażin jabbandunawk.
Il-ħniena kienet u tkun, inkella m’hemmx iżjed dinja.
Għandek tħenn għalik innifsek u għall-oħrajn fid-dinja.
Aħfer lil kulħadd mhux lilek innifsek.
Ma' ħaddieħor kun qalbek tajba, imma miegħek innifsek kun strett.
Li kieku l-għira kienet bażwija, kieku kulħadd bażwi.
Min jgħir ħafna għalik, jasal biex saħansitra jgħir ukoll għall-ħażin tiegħek.
Il-ġirien tagħżel il-ġirien.
Inti tagħżel liema ġirien tkellem, jaf ikun hemm uħud li ma taħmilx.
Aħjar kisra sewda d-dar milli għasel għand il-ġar.
Tajjeb li tkun kuntent b'li għandek minflok tiddependi fuq ħaddieħor jew tixtieq tiegħu.
Ftit huma l-veri ħbieb.
Fil-ħajja mhux faċli ssib ħbieb ġenwini.
L-għajnuna kulħadd jixtieqha.
Kulħadd japprezzaha l-għajnuna.
Agħtini bil-ħarta u la turinix iċ-ċiera.
Aqbad iġġieled miegħi minflok toqgħod bil-geddum.
Kif tkejjel ikejluk.
Kif iġġib ruħek man-nies inti, hekk iġibu ruħhom huma miegħek.
L-akbar ġlieda ta’ bejn il-ħbieb.
Il-ħbieb ikunu jafu lil xulxin sew u l-ġlied ikun ikbar.
Aħjar ħabib mal-kelb inkella ma’ sidu.
Aħjar tagħmel ħbieb ma' dawk ta' madwar xi ħadd li trid mingħandu.
Ftit huma l-veri ħbieb.
Fil-ħajja mhux faċli ssib ħbieb ġenwini.