Ara li dak li hu tiegħek tgawdih int, mhux tħalli lil ħaddieħor igawdih hu minflokok.
Min jikriha joqgħod għaliha.
Min jidħol għal xi ħaġa, ikollu ma jilmentax u jagħmilha bit-tajjeb u l-ħażin kollha tagħha.
Kategoriji: is-sens komun | ix-xogħol
Meta jaqbel qabbel.
Aħtaf kull okkażjoni tajba li tiġik biex tmur minn fuq.
Min jidħol għall-piż jeħtieġ joqgħod għalih.
Min jintriga b'xi ħaġa minn jeddu, jeħtieġ li jagħmilha sal-aħħar.
Min jidħol bejn il-basla u qoxritha jibqa’ b’riħitha.
Tindaħalx fejn ma jesgħekx għax inti tmur minn taħt.
Jew tiekol jew issaffar.
Ma tistax tleħħaq ma' kollox f'salt.
Il-wiċċ li jindara bil-ħara jinxtara.
Il-kunfidenza żejda ġġib nuqqas ta' rispett.
Il-ftit tajjeb u jgħallem bħall-wisq.
Jekk il-ftit li tieħu jkun tajjeb, mela xorta tkun moqdi.
Min ifaħħar irid jieħu.
Min joqgħod ifaħħrek ikun qed jistenna xi ħaġa mingħandek.
Min ikun bil-ġuħ jiekol kollox.
Min m'għandux għażla jkollu joqgħod għal kollox.
Bin-nies ma tistax tboss.
Ma tistax tagħmel li trid għax in-nies jgħidu bik.
Kull regola għandha l-eċċezzjoni tagħha.
Qatt ma hemm xejn assolut.
Il-lejl għal-lpup.
Toħroġx tiġri barra billejl, evita l-periklu. Lpup huwa l-plural ta' lupu.
Aħsibha qabel ma tagħmilha.
Żomm f'moħħok il-konsegwenzi ta' azzjonitek qabel tagħmel xi ħaġa.
Imżaqq tajjeb isemmen.
L-ikel (= imżaqq) tajjeb iħaxxen.
Aħjar uff inkella aħħ.
Aħjar tonfoħ bid-dwejjaq milli tokrob bl-uġigħ.
Dak li jidħol fil-wiżna ma jidħolx fil-qantar.
L-affarijiet iż-żgħar ma jagħmlux differenza meta jitqiesu fil-kuntest tal-affarijiet il-kbar.
Iż-żejjed imbidded.
Uża l-moderazzjoni f'dak kollu li tagħmel. Imbidded tfisser imxerred.
Imżaqq tajjeb isemmen.
L-ikel (= imżaqq) tajjeb iħaxxen.
Min jiddawwar ma jilħaqx.
Min jasal tard ikollu joqgħod għal dik li jsib, m'għandux għażla.
Il-ħaġa f’waqtha tajba.
Agħmel li għandek tagħmel mill-ewwel u taħlix żmien.
Il-fuħħara li ġġelġel hija mxiegħra.
Trid taċċetta li tagħmel x'tagħmel ser issir il-ħsara. Fuħħara tfisser reċipjent tal-fuħħar u mxiegħra tfisser li tkun ixxaqqet.