Ir-riħ mill-Punent iġib miegħu x-xita.
Ix-xemx tar-rebbiegħa tibla’ bħall-belliegħa.
Ix-xemx li tagħmel fir-rebbiegħa tkun qawwija ħafna. Il-belliegħa hija mostru mitoloġiku Malti li jgħix bil-bjar, il-ġibjuni u l-għerien.
Kategoriji: il-meteoroloġija | ix-xemx
Fix-xita, bil-bieb miftuħ dejjem tidħol ir-raxxa.
Meta l-inkwiet ma tilqagħlux ikollok tbati l-konsegwenzi.
Il-Lbiċ riħ jew xita żgur iġib.
Meta r-riħ ikun mil-Lbiċ żgur li jagħmel ir-riħ jew tagħmel ix-xita.
Il-baħar żaqqu ratba u rasu iebsa.
M'għandek qatt tieħu sogru mal-baħar għax titqarraq.
Jekk tara l-kwiekeb ilebilbu riħ qawwi stenna.
Meta tara l-kwiekeb ilebilbu, għid li ġej riħ qawwi.
In-nar u l-ilma jbeżża’.
Is-sajjetti (= in-nar) u l-għargħar (= l-ilma) jagħmlu ħsara kbira.
In-nejja reġgħet ġiet u l-fawwara għoddha mtliet.
Tkun bdiet ix-xita (= il-fawwara) sew fiż-żmien fejn jibda jinbiegħ il-qastan nej (= in-nejja).
Ix-xita mill-Punent ma tħallix warajha lment.
Ir-riħ mill-Punent iġib ħafna xita miegħu, u ħadd ma jgorr minnha!
Il-beraq dukkar tax-xita.
Wara l-beraq tagħmel ix-xita.
Għar-rebbiegħa n-naħla tkun lesta għall-għerusija.
Min irabbi n-naħal jeħtieġ li jieħu ħsieb tax-xehda fir-rebbiegħa.
Il-Lbiċ jeħel u l-Punent il-Lbiċ jilgħab.
Ħwejġek jeħlu miegħek bit-tidlik li jġib miegħu r-riħ mil-Lbiċ, u jinbidel il-ħin kollu meta jkun mill-Punent il-Lbiċ.
Ix-xita hdiet, kull tajra mxiet.
Ix-xita issa waqfet u kulħadd jista' jkompli fejn ħalla.
Id-dinja bla tarf u l-baħar bla tmiem.
Id-dinja kbira ħafna u l-oċeani huma vasti.
Ħmura ta’ binhar iġbor ħwejġek u mur id-dar.
Il-ħmura ta' matul il-ġurnata huwa sinjal li ġej il-maltemp.
Bnazzi fix-xitwa, trott ta’ bagħla u kappell ta’ miġnun, qatt iżżomm magħhom.
Il-bnazzi fix-xitwa, it-trott ta' bagħla u n-nies imġienen qatt m'għandek tafdahom.
Jekk tara l-kwiekeb ilebilbu riħ qawwi stenna.
Meta tara l-kwiekeb ilebilbu, għid li ġej riħ qawwi.
Kif jibda jaqa’ l-weraq, jisreġ il-beraq.
Jibda jberraq malli tibda dieħla l-ħarifa. Jisreġ tfisser jixgħel.
Baħar fieragħ għar-riħ isfel, baħar mimli għar-riħ fuq.
Il-baħar mimli jġib ir-riħ fuq, u l-baħar fieragħ iġib ir-riħ isfel.
Ix-xita bikrija tnebbet il-ġarġir.
Jinbet il-ġarġir meta tagħmel ix-xita bikrija.
Ix-xita tal-qigħan imwiegħda.
Ġunju huwa x-xahar tad-dris, u dejjem tagħmel ix-xita.
Ħarifa bit-tajjeb, żwiemel u dwieb.
Meta fil-ħarifa jkun bnazzi, iż-żwiemel u d-dwieb (plural ta' debba) tista' tħallihom joħorġu.