Raġel li ma jkun kapaċi għal xejn, aħjar ma juri wiċċu mkien.
Raġel bla ħila, ma jiswiex tebaq fwiedu.
Raġel li ma jkun kapaċi għal xejn, aħjar ma juri wiċċu mkien.
Kategoriji: ir-raġel
Xi wħud mill-qwiel b’rabta man-nisa u l-irġiel jagħtuna perspettiva antikwata tar-rwoli tagħhom fis-soċjetà, u ma jirriflettux neċessarjament il-valuri moderni. Ħudhom għaldaqstant minn lenti storika. Apprezza r-rikkezza lingwistika u kulturali waqt li żżomm f’moħħok li ż-żminijiet u l-attitudnijiet inbidlu.
Mara sabiħa, ġmielha jibqa’ sakemm titlef ġieħha.
Mara tibqa’ sabiħa jekk tagħraf tkun onesta.
Il-wiċċ fil-mara jikxef il-ġieħ.
Minn ħarsitha tinduna mara hix tal-affari tagħha.
In-nisa xibka tax-xitan.
In-nisa kapaċi jqarrqu bik daqs ix-xitan.
Debba bla lġiem tiġġarraf.
Il-mara għandha toqgħod attenta f'dak li tagħmel biex ma jiddispjaċihiex.
It-twieqi jżejnu l-palazzi.
Minn għajnejn (= it-twieqi) persuna, tara l-ġmiel tagħha.
Aħjar mara ratba minn mara qaħba.
Mara għażżiena aħjar minn mara diżonesta.
Raġel ħażin, u int eħżen minnu, tixtri ħobż u taħbilu minnu.
Trid tkun iżjed makakk mill-makkak biex tirbaħlu.
Il-mara dellha tqil.
Il-mara tinqabad mal-inqas ħaġa li tagħmel.
Raġel ma jitqiesx bix-xiber.
Il-kumplessità tal-karattru ta’ dak li jkun hija kbira ħafna.
Il-mara ġabbara hi l-għana ta’ darha.
Bis-saħħa tal-mara bieżla li tieħu ħsieb, il-familja tgħix kuntenta.
In-nisa sbieħ biex tħares lejhom.
In-nisa sbieħ mhux dejjem ikollhom karattru sabiħ.
Id-dmugħ f’għajnejn in-nisa sponża.
In-nisa joqogħdu jibku biex jagħmlu bik li jridu.
Il-mara tad-dnub b’ħilitha stess iddub.
Il-prostituta waħedha tinqered.
Il-mara taf tgħollik fis-sema u taf titfgħek l-infern.
Il-mara kapaċi tagħmel il-ħajja tar-raġel sabiħa daqs kemm hi kapaċi tagħmilha kerha.
Meta xebba xawwatha tgħatti, ħajjitha opra bi tliet atti.
Meta xebba tieħu ħsieb li ġġib ruħha b'mod deċenti (= tgħatti xawwatha), ma tiżbaljax u tgħix kuntenta bla dispjaċiri.
Mara tagħmillek sold dejn, u oħra tagħmillek sold tnejn.
Hemm nisa li jberbqu flus kemm jifilħu, u oħrajn li jibżgħu għalihom.
Lil ibnek kif trabbih u ‘l żewġek kif iddarrih.
Il-mara trid iddarri r-raġel mod ieħor min kif kien jagħmel għand ommu, u t-tfal jikbru skont kif trabbihom.
Tifel, żagħżugħ jew xiħ, id-dinja xorta ddur għalih.
L-irġiel ħajjithom kollha iżjed liberi min-nisa.
Meta l-mara tkun se tobloq, bi ħsiebha, terġa’ tixtieq toħloq.
Madwar l-età ta' ħamsin sena, in-nisa terġa' tiġihom ix-xewqa jsiru ommijiet.
Il-mara tqila tirbaħ il-għażż u titlef il-ħila.
Hemm bżonn li mara tqila tistrieħ u mhux taħdem.