Raġel dejjem jeħlisha eħfef minn mara meta jagħmel xi ħaġa ħażina.
Mara ma taħmilx oħra.
In-nisa jgħiru għal xulxin.
Kategoriji: il-mara | il-mibegħda
Xi wħud mill-qwiel b’rabta man-nisa u l-irġiel jagħtuna perspettiva antikwata tar-rwoli tagħhom fis-soċjetà, u ma jirriflettux neċessarjament il-valuri moderni. Ħudhom għaldaqstant minn lenti storika. Apprezza r-rikkezza lingwistika u kulturali waqt li żżomm f’moħħok li ż-żminijiet u l-attitudnijiet inbidlu.
Il-mara turihiex kollox.
M’għandekx tafda lill-mara b’għajnejk magħluqin!
Mara lesta għall-ġlied ma żżarradx żnied.
Mara ġellieda qis li twarrabha.
Il-mara sewda r-raġel tagħmlu għuda.
In-nisa samranin dejjem iridu wisq mingħand ir-raġel. Sewda tfisser samranija.
Raġel ħażin ibiddel qoxortu u aktar ħażin.
Raġel ħażin qatt ma jsir tajjeb, anzi jsir dejjem agħar.
Ħares lejn il-qamar bil-ħajra għax għalik ikollu l-għira.
Superstizzjoni: dari kienu jemmnu li jekk mara tħares lejn il-qamar issib ir-raġel li tixtieq.
Aħjar imqattgħa u ħorra milli għanja u żorra.
Aħjar mara fqira u qalbha tajba minn mara tal-flus u lsienha ħażin.
Ir-raġel tiegħek sal-kantuniera.
Mara m’għandha qatt taqla’ għajnejha minn fuq żewġha.
Mara bieżla, il-kumdità.
Bis-saħħa tal-mara bieżla li tieħu ħsieb, il-familja tgħix kuntenta.
Mara mill-Imsida, il-gidba f’idha.
In-nisa Misidjani giddibin.
Aħjar mart min int milli bint min int.
Aħjar tkun mara miżżewġa milli xebba.
Il-mara li ma tifhimx b’daqqa ta’ għajn, ma tifhimx b’daqqa ta’ ponn.
Bil-vjolenza xorta m’intix se ddawwar il-fehma ta’ mara.
Aħjar tieħu mara armla milli bint il-qamla.
Aħjar tiżżewweġ mara armla milli bint mara bla prinċipji.
Raġel jaħlef u mara tibki temminhomx f’li jgħidulek.
M’għandekx temmen raġel li jaħlef u mara li tibki.
Il-mara sieqha wara.
Dari l-mara ma kenitx tingħata l-istess importanza tar-raġel.
Agħtini r-raġel mingħajr sħabu.
Mara tkun trid lir-raġel tagħha għaliha biss, ma tkunx tridu jkollu l-ħbieb jinfluwenzawh.
Darba l-għadma ta’ raġel mejjet resqet mal-għadma ta’ mara mejta.
Il-ġibda sesswali hija parti min-natura tal-bniedem.
Aħjar imqattgħa u ħorra milli għanja u żorra.
Aħjar mara fqira u qalbha tajba minn mara tal-flus u lsienha ħażin.
Mara tibki temminhiex.
Il-mara tkun lesta tqarraq bir-raġel f’kull ħin.
Tifla sabiħa tagħtihiex imħabbtek mal-mument għax issir iebsa daqs is-siment.
Lin-nisa turihomx imħabbtek mill-ewwel għax jagħtuk bis-sieq.
Tifla sabiħa tinqala’ b’ġieħha, tifla kerha tinqala’ bil-mera.
Mara naturalment sabiħa m'għandhiex għalfejn tagħmel l-isforz li tagħmel mara kerha biex tidher sabiħa.