Ċerti rġiel moħħhom biex jixxalaw u jiddevertu u lil marthom jinsewha.
Iż-żina tixraq lill-mara.
Ma fiha xejn ħażin billi mara tiżżejjen.
Kategoriji: il-mara
Xi wħud mill-qwiel b’rabta man-nisa u l-irġiel jagħtuna perspettiva antikwata tar-rwoli tagħhom fis-soċjetà, u ma jirriflettux neċessarjament il-valuri moderni. Ħudhom għaldaqstant minn lenti storika. Apprezza r-rikkezza lingwistika u kulturali waqt li żżomm f’moħħok li ż-żminijiet u l-attitudnijiet inbidlu.
Id-dbielet twal ikarkru t-trab, imma d-dbielet qosra jkarkru l-erwieħ.
In-nisa għandhom jilbsu onest.
Il-mara tingħaraf minn għadietha.
Il-mara tkun taf xi ssarraf minn kif iġġib ruħha.
Tifla sabiħa tagħtihiex imħabbtek mal-mument għax issir iebsa daqs is-siment.
Lin-nisa turihomx imħabbtek mill-ewwel għax jagħtuk bis-sieq.
Mara bil-għonnella qatt ma taf x’għamlet u x’kellha.
Fl-antik l-għonnella kienet tgħatti t-tqala.
Raġel bla ħila, ma jiswiex tebaq fwiedu.
Raġel li ma jkun kapaċi għal xejn, aħjar ma juri wiċċu mkien.
Il-mara mżejna minn butha mdejna.
Mara responsabbli ma tberbaqx flus.
In-nisa kollha fisa.
In-nisa jgħidu ħafna u ma tistax tafdahom.
Għall-ħwietem u għall-imsielet baqgħet bla ma kielet.
Xi nisa jaslu li jagħmlu minn kollox għall-flus. Il-ħwietem huma ċ-ċrieket.
Raġel kif iddarrih, u t-tifel kif trabbih.
Il-mara trid iddarri r-raġel mod ieħor min kif kien jagħmel għand ommu, u t-tfal jikbru skont kif trabbihom.
Aħjar mara ta’ baħri milli ta’ raġel jistad għall-kaħli.
Mara ta’ baħri kien ikollha iżjed xi troxx, peress li s-sajjied tal-kaħli mhux dejjem kien jaqbad ħafna ħut.
Mara mill-Imsida, il-gidba f’idha.
In-nisa Misidjani giddibin.
Il-mara għad-dnub imdawra, m’għonqha dejjem imġawhra.
Prostituta kemm trid issib klijenti u b’hekk dejjem ikollha l-flus.
Mara sabiħa tal-għoxrin ġmielha jibqa’, u għal raġel issir seħer tal-ħamsin.
Mara tkompli tikber u tisbieħ bl-esperjenza tal-ħajja.
Meta bewsa tagħtik mara, imbagħad trid tara xi jkun ġara.
In-nisa manipulattivi u jiġu jinħabbu miegħek għax ikollhom bżonn xi ħaġa.
Il-mara meta tidħaq trid tqarraq bik, u meta tibki tkun qarrqet bik.
Il-mara tkun lesta tqarraq bir-raġel f’kull ħin.
In-nisa laħam il-kelb.
In-nisa kattivi.
Iż-żina żejda turi ftit għaqal.
Mara jew raġel li jiżżejjen wisq jitqies vanituż.
Mara ma taħmilx oħra.
In-nisa jgħiru għal xulxin.
Il-kliem żejjed ħallih għan-nisa.
Tgħid xejn bla bżonn.
Dar bla mara ma fihiex x’tara.
Il-mara żżomm id-dar fuq saqajha.