Il-mara trid iddarri r-raġel mod ieħor min kif kien jagħmel għand ommu, u t-tfal jikbru skont kif trabbihom.
Il-mara turihiex kollox.
M’għandekx tafda lill-mara b’għajnejk magħluqin!
Kategoriji: il-mara
Xi wħud mill-qwiel b’rabta man-nisa u l-irġiel jagħtuna perspettiva antikwata tar-rwoli tagħhom fis-soċjetà, u ma jirriflettux neċessarjament il-valuri moderni. Ħudhom għaldaqstant minn lenti storika. Apprezza r-rikkezza lingwistika u kulturali waqt li żżomm f’moħħok li ż-żminijiet u l-attitudnijiet inbidlu.
It-twieqi jżejnu l-palazzi.
Minn għajnejn (= it-twieqi) persuna, tara l-ġmiel tagħha.
Mara mill-Imsida, il-gidba f’idha.
In-nisa Misidjani giddibin.
Kliem il-mara isimgħu u agħmel rajk.
Isma’ x’għandha xi tgħid il-mara, imma wara ddeċiedi inti.
Lil ibnek kif trabbih u ‘l żewġek kif iddarrih.
Il-mara trid iddarri r-raġel mod ieħor min kif kien jagħmel għand ommu, u t-tfal jikbru skont kif trabbihom.
Mara ssaffar u tiġieġa tidden la żżommhomx id-dar.
Superstizzjoni: mara li ssaffar u tiġieġa li tidden iġibulek il-fell.
Ma jistax ikun il-bettija mimlija u l-mara sakrana.
Ma jistax ikollok il-flus fil-but u tberbaqhom fl-istess ħin.
Ħares lejn il-qamar bil-ħajra għax għalik ikollu l-għira.
Superstizzjoni: dari kienu jemmnu li jekk mara tħares lejn il-qamar issib ir-raġel li tixtieq.
Raġel ħażin, u int eħżen minnu, tixtri ħobż u taħbilu minnu.
Trid tkun iżjed makakk mill-makkak biex tirbaħlu.
Il-mara ta’ fqajjar qatt ma tmur tittajjar.
Mara li trid tieħu ħsieb familja fqira m’għandhiex ċans għall-frivolitajiet.
Jekk ir-raġel jikxef karusu, il-mara tieħdu għal flusu.
Ir-raġel m’għandux juri lill-mara kemm għandu flus qabel jiżżewwiġha.
Il-mara mżejna minn butha mdejna.
Mara responsabbli ma tberbaqx flus.
Il-mara sewda r-raġel tagħmlu għuda.
In-nisa samranin dejjem iridu wisq mingħand ir-raġel. Sewda tfisser samranija.
Iż-żina żejda turi ftit għaqal.
Mara jew raġel li jiżżejjen wisq jitqies vanituż.
Ir-raġel qalbu qaqoċċa; jagħti werqa lil kulħadd imma l-qalba jagħtiha lill-mara.
Il-mara dejjem għandha post speċjali f’qalb żewġha.
Għaġin u torti u nbid bil-kwarti, u aħjar żaqqi minn żaqq marti.
Ċerti rġiel moħħhom biex jixxalaw u jiddevertu u lil marthom jinsewha.
Ir-raġel kif iħossu, u l-mara kif turihom.
Tibqa’ żagħżugħ biss jekk iżżomm ruħek u jkollok perspettiva tajba tal-ħajja.
Aħjar mart min int milli bint min int.
Aħjar tkun mara miżżewġa milli xebba.
Meta bewsa tagħtik mara, imbagħad trid tara xi jkun ġara.
In-nisa manipulattivi u jiġu jinħabbu miegħek għax ikollhom bżonn xi ħaġa.
Mara sabiħa, id-dota ġewwa.
Mara sabiħa dejjem issib min iridha.
Il-mara tqila ġo did-dinja turi l-ħila.
l-mara li tgħaddi minn tqala turi kemm għandha kuraġġ.