In-nisa samranin dejjem iridu wisq mingħand ir-raġel. Sewda tfisser samranija.
Il-mara sewwa, tidħaq u tgawdi ġewwa.
Ħsieb il-mara għandu jkun f’familtha.
Kategoriji: il-mara
Xi wħud mill-qwiel b’rabta man-nisa u l-irġiel jagħtuna perspettiva antikwata tar-rwoli tagħhom fis-soċjetà, u ma jirriflettux neċessarjament il-valuri moderni. Ħudhom għaldaqstant minn lenti storika. Apprezza r-rikkezza lingwistika u kulturali waqt li żżomm f’moħħok li ż-żminijiet u l-attitudnijiet inbidlu.
Ir-raġel ma jinsiehx raġel għax miżżewweġ.
Iż-żwieġ ma jibdilx il-karattru tan-nies.
Tifla sabiħa tinqala’ b’ġieħha, tifla kerha tinqala’ bil-mera.
Mara naturalment sabiħa m'għandhiex għalfejn tagħmel l-isforz li tagħmel mara kerha biex tidher sabiħa.
Ir-raġel qalbu qaqoċċa; jagħti werqa lil kulħadd imma l-qalba jagħtiha lill-mara.
Il-mara dejjem għandha post speċjali f’qalb żewġha.
Li s-self kien tajjeb kieku r-raġel jislef il-mara.
Qatt tislef dak li hu tiegħek.
Il-mara tqila ġo did-dinja turi l-ħila.
l-mara li tgħaddi minn tqala turi kemm għandha kuraġġ.
Il-mara li ma tifhimx b’daqqa ta’ għajn, ma tifhimx b’daqqa ta’ ponn.
Bil-vjolenza xorta m’intix se ddawwar il-fehma ta’ mara.
Il-ġuvni bandiera bajda.
Ġuvni jeħlisha eħfef minn xebba meta jagħmel xi ħaġa ħażina.
Mara tal-għaqal iżżomm id-dar, tiġbor ʼl uliedha u xedda fin-nar.
Bis-saħħa tal-mara bieżla li tieħu ħsieb, il-familja tgħix kuntenta.
Ir-raġel ġiebja u l-mara sieqja.
Ir-raġel jaħdem għall-flus u l-mara tberbaqhom.
Il-mara li tilbes imqaċċat, max-xitan għamlet rabta.
Mara tal-affari tagħha dejjem tilbes deċenti.
Il-mara tajba żżomm ir-raġel.
Mara tkun tajba skont kemm ikollha ħila żżomm lir-raġel fidil lejha.
Debba bla lġiem tiġġarraf.
Il-mara għandha toqgħod attenta f'dak li tagħmel biex ma jiddispjaċihiex.
Il-frawla saret u x-xebba ħmaret.
Il-ġmiel ta' frawla li tkun saret jitqabbel mal-ġmiel ta' tifla li tkun saret xebba.
Id-dmugħ tal-mara bħall-bnazzi fix-xitwa.
Id-dmugħ tal-mara, dmugħ tal-kukkudrilli.
Il-mara li ma tifhimx b’daqqa ta’ għajn, ma tifhimx b’daqqa ta’ ponn.
Bil-vjolenza xorta m’intix se ddawwar il-fehma ta’ mara.
Dar bla mara ma fihiex x’tara.
Il-mara żżomm id-dar fuq saqajha.
Kliem il-mara isimgħu u agħmel rajk.
Isma’ x’għandha xi tgħid il-mara, imma wara ddeċiedi inti.
Il-ħafa jitfi ż-żina.
In-nisa li dari kienu jimxu ħafjin barra kienu jitilfu mis-sbuħija tagħhom. Żina (bl-aċċent fuq l-i) tfisser ġmiel.
Debba bla lġiem fis tikser għonqha.
Il-mara għandha toqgħod attenta f'dak li tagħmel biex ma jiddispjaċihiex.
Id-debba l-ġerrejja jekk ma tkunx l-ewwel dis-sena tieħu li ġejja.
In-nisa irresponsabbli xi dabra għad jispiċċaw f'inkwiet kbir.
