Min ma jgħid xejn jevita l-inkwiet.
Kliem ftit għal min jifhem.
Min irid jifhem m'hemmx għalfejn ħafna paroli miegħu.
Kategoriji: il-kliem
Dak li jħobb jixrob l-ilma ma jagħletx fil-kelma.
Min joqgħod attent xi jgħid jagħmel sew, bħal meta xi ħadd ma jitkellimx għax ikollu l-ilma f'ħalqu. "Ma jagħletx" tfisser "ma jiżbaljax", minn għelt (żball).
Kieku, jew u jewwilla ma jimlew ebda bixkilla.
B'ħafna paroli fil-vojt u indeċiżjoni ma tasal imkien.
B’qatra għasel taqbad iżjed dubbien milli b’mitt barmil ħall.
Bil-kelma t-tajba jirnexxilek iżjed tikkonvinċi lil dak li jkun.
Il-hejm u l-ħlewwa jegħlbu d-dnewwa.
Tikkonvinċi lin-nies iżjed malajr bil-ħlewwa milli bl-aggressività. Hejm tfisser persważjoni u dnewwa tfisser vjolenza.
Bil-kliem żejjed tiżbalja tista’.
Aħsibha sew qabel tgħid xi ħaġa.
Il-kelma toħroġ mis-sinna u timla dinja.
Il-kliem li tgħid ma tkunx tista' terġa' lura minnu.
Bil-kliem u s-sliem tasal kullimkien.
Jekk tkun edukat man-nies tasal fejn trid.
Il-kliem itir u l-kitba tibqa’.
Il-kitba mhix astratta bħall-kliem, mela oqgħod attent x'tikteb u x'tiffirma f'ismek għax 'il quddiem jaf jiddispjaċik.
Il-kelma faħxija bħal triq waħxija.
Il-kliem ħażin minnu ikrah, u ma jagħmilx ġieħ lil min jgħidu.
Beżqa mibżuqa milgħuqa ma tkun qatt.
Il-kliem li tgħid ma tkunx tista' terġa' lura minnu.
Aħjar kelma nieqsa minn kelma żejda.
Aħjar tieħu paċenzja u tigdem ilsienek.
Kliem sigriet la għali u lanqas inkwiet.
Jekk għandek sigriet żommu, sabiex tevita l-inkwiet u ma jiddispjaċikx.
Il-kliem il-mistur nofsu maħfur.
Meta tgħid jew tagħmel xi ħaġa ħażina, ara li ma terġax biex dak li tkun għamilt jew għedt jintesa bil-mod il-mod.
Liġġem żiemlek għax jarmik, liġġem ilsienek għax jgħallik.
Għandek dejjem toqgħod attent minn dak li tgħid għax jiddispjaċik (= tagħli), bħaż-żiemel li tliġġmu (= tlibbislu lġiem) biex ma jisfrattax u jarmik minn fuq dahru.
Ħelu tittiekel, morr tinbeżaq.
Mingħand in-nies taqlagħha dejjem fuq rasek, tagħmel x'tagħmel.
Il-kaħli, jekk tisma’ kliemek, ma tmigħekx ma’ xliefek.
Meta ma tgħid xejn jirnexxilek iżjed tasal fejn trid. Il-kaħli tip ta' ħuta li titgerrex ħafna.
Il-bniedem tagħrfu minn wegħditu.
Bniedem afdah skont kemm iżomm kelmtu.
Li tagħmel daqqa ta’ pinna ma tħassrux daqqa ta’ fies.
Kuntratt jorbtok u ma tħassrux malajr.
Min għandu lsienu f’ħalqu jgħid li jrid.
Kulħadd jgħid ħafna xorti, allaħares toqgħod tagħti kas.
Il-kliem jintrebaħ bil-għana ta’ kull min ikun bih, bħad-duħħan jintrebaħ mar-riħ.
Hemm ħafna modi u metodi biex tmur fuq xi ħadd li jkun jogħġbok u tibda konverżazzjoni!