M'iniex ser nirrepeti dak li diġà għedt.
Kelma ġġib lill-oħra, kelmtejn iġibu l-kliem, il-kliem iqanqal ġlieda u dlok jikser is-sliem.
Il-kliem żejjed joħloq l-inkwiet.
Kategoriji: il-kliem
Asaħħ kelmet il-Malti minn ħalfet is-sultan.
Il-Maltin iżommu kelmthom.
Il-kliem la ġġerrih ħalli n-nies ma tgħidx bih.
Tkunx dik il-persuna li taqla' l-qlajjiet fuq in-nies.
Aħjar bid-dliel milli bil-herra.
Bil-kelma t-tajba tasal iżjed milli bis-suppervja.
Aħjar l-ewwel tisma’ mbagħad tgħid.
Isma' dak li għandu xi jgħid ħaddieħor qabel tgħid tiegħek.
Bejn il-kliem u l-fatti hemm raġel b’xiber mustaċċi.
Dak li tagħmel jgħodd, mhux dak li tgħid.
Kelma f’waqtha tiswa mija.
Jiswa ħafna meta tgħid il-ħaġa t-tajba fil-mument it-tajjeb.
Jekk tgħid li trid, ikollok tisma’ milli ma tridx.
Jekk bi toqgħodx attent bi kliemek, ikollok tbati r-reazzjoni ta' ħaddieħor.
Il-kliem żejjed qatt ma sewa flus.
Il-paroli fil-vojt ma jiswa xejn u ħsara biss jagħmel.
Aħjar tagħti milli twiegħed.
Dak li tagħmel jgħodd, mhux dak li tgħid.
Kieku, jew u jewwilla ma jimlew ebda bixkilla.
B'ħafna paroli fil-vojt u indeċiżjoni ma tasal imkien.
Kliem ftit għal min jifhem.
Min irid jifhem m'hemmx għalfejn ħafna paroli miegħu.
Ħelu fil-fomm u qares fis-sorm.
Hemm min għandu ħafna kliem sabiħ, iżda minn ġewwa jkun ikrah ħafna.
Il-kelma toħroġ mis-sinna u timla dinja.
Il-kliem li tgħid ma tkunx tista' terġa' lura minnu.
Kelma li toħroġ mill-fomm ma terġax tinġabar.
Ladarba tgħid kelma ma tistax tiblagħha lura.
Il-bniedem jinkixef minn kliemu.
Bil-kliem jinkixfu l-intenzjonijiet ta' dak li jkun.
Il-kliem qabel tgħidu qisu u iżnu.
Aħsibha sew qabel tgħid xi ħaġa.
Il-kelma faħxija bħal triq waħxija.
Il-kliem ħażin minnu ikrah, u ma jagħmilx ġieħ lil min jgħidu.
Isma’ bilfors u emmen jekk trid.
Ikollok tisma' bilfors, iżda f'idejk temminx dak li tisma'.
L-arloġġ tiegħi darba jdoqq.
M'iniex ser nirrepeti dak li diġà għedt.
Liġġem żiemlek għax jarmik, liġġem ilsienek għax jgħallik.
Għandek dejjem toqgħod attent minn dak li tgħid għax jiddispjaċik (= tagħli), bħaż-żiemel li tliġġmu (= tlibbislu lġiem) biex ma jisfrattax u jarmik minn fuq dahru.