Ladarba tgħid kelma ma tistax tiblagħha lura.
Jekk ma tikolx it-tewm, ma ġġibx riħet it-tewm.
Jekk toqgħod attent xi tgħid, ma ddejjaq lil ħadd bi kliemek.
Kategoriji: il-kliem
Il-kaħli, jekk tisma’ kliemek, ma tmigħekx ma’ xliefek.
Meta ma tgħid xejn jirnexxilek iżjed tasal fejn trid. Il-kaħli tip ta' ħuta li titgerrex ħafna.
Il-patt jegħleb l-att.
Dak li jitniżżel bil-kitba huwa dejjiemi, mhux bħall-kliem.
Ħaġa li ma tixraqx tagħmilhiex u kelma li tisma’ d-dar la ttennihiex.
Ġib ruħek tajjeb u qis kliemek, tikxifx dak li jingħad id-dar.
Li tagħmel daqqa ta’ pinna ma tħassrux daqqa ta’ fies.
Kuntratt jorbtok u ma tħassrux malajr.
Il-kliem bħaċ-ċirasa, waħda ġġib l-oħra.
Kelma ġġib oħra, u minn ftit kliem tispiċċa tagħmel diskursata sħiħa.
Isma’ kliem in-nies u agħmel rajk.
Isma' x'għandu xi jgħid kulħadd u wara asal għall-konklużjoni tiegħek.
Bil-kliem biss ma nagħmlu xejn.
Ma jsirx xogħol bil-paroli.
In-nies ilsienhom tal-labar.
Ilsien in-nies iniggeż.
Is-sultan ilsir ta’ kelmtu.
In-nies tal-affari tagħhom jagħtuk kelma u jżommuha.
Li kien il-kliem ġawhar, is-skiet isbaħ minnu.
Is-skiet fih iżjed preġju mill-kliem.
B’kelma ġġib il-kliem u tkeċċi s-sliem.
Kelma żejda jaf toħloq il-problemi.
Ħelu tittiekel, morr tinbeżaq.
Mingħand in-nies taqlagħha dejjem fuq rasek, tagħmel x'tagħmel.
Kliem sigriet la għali u lanqas inkwiet.
Jekk għandek sigriet żommu, sabiex tevita l-inkwiet u ma jiddispjaċikx.
Li tagħmel daqqa ta’ pinna ma tħassrux daqqa ta’ fies.
Kuntratt jorbtok u ma tħassrux malajr.
Bejn il-kliem u l-fatti hemm raġel b’xiber mustaċċi.
Dak li tagħmel jgħodd, mhux dak li tgħid.
Kliem ftit għal min jifhem.
Min irid jifhem m'hemmx għalfejn ħafna paroli miegħu.
Dak li jħobb jixrob l-ilma ma jagħletx fil-kelma.
Min joqgħod attent xi jgħid jagħmel sew, bħal meta xi ħadd ma jitkellimx għax ikollu l-ilma f'ħalqu. "Ma jagħletx" tfisser "ma jiżbaljax", minn għelt (żball).
Bil-kliem biss ma nagħmlu xejn.
Ma jsirx xogħol bil-paroli.
Li tagħmel daqqa ta’ pinna ma tħassrux daqqa ta’ fies.
Kuntratt jorbtok u ma tħassrux malajr.
Il-miktub magħruf.
Il-kitba mhix astratta bħall-kliem, mela oqgħod attent x’tikteb u x’tiffirma f’ismek għax ‘il quddiem jaf jiddispjaċik.