Il-Maltin iżommu kelmthom.
Il-miktub fis-sema ma jħassru ħadd.
Il-kitba mhix astratta bħall-kliem, mela oqgħod attent x’tikteb u x’tiffirma f’ismek għax ‘il quddiem jaf jiddispjaċik.
Kategoriji: il-kliem
Aħjar karba minn kelma.
Aħjar tieħu paċenzja u tigdem ilsienek.
Aħjar bid-dliel milli bil-herra.
Bil-kelma t-tajba tasal iżjed milli bis-suppervja.
Il-gendus jintrabat minn qrunu u r-raġel minn kelmtu.
Bniedem rispettabbli ma jerġax lura minn kelmtu, għax li jkun qal ikun qalu b'intenzjoni.
Kliem sigriet la għali u lanqas inkwiet.
Jekk għandek sigriet żommu, sabiex tevita l-inkwiet u ma jiddispjaċikx.
Daqqa ta’ frosta tagħmel tbenġila u daqqa ta’ lsien tagħmel tifrika.
Il-kliem kapaċi jweġġa' ħafna iktar mid-daqqiet.
Aktar ibaqbaq inkella jinżel.
Aktar għandu paroli milli fatti.
Jekk u kieku xejn ma fihom x’nixtiequ.
B'ħafna paroli fil-vojt u indeċiżjoni ma tasal imkien.
L-ilsien fih il-melliesa u n-niggieża.
L-ilsien kapaċi juri l-ħlewwa (= il-melliesa) kif ukoll il-kattiverja (= in-niggieża).
Il-barri jintrabat minn qrunu u l-bniedem minn kelmtu.
Bniedem rispettabbli ma jerġax lura minn kelmtu, għax li jkun qal ikun qalu b'intenzjoni.
Ħelu tittiekel, morr tinbeżaq.
Mingħand in-nies taqlagħha dejjem fuq rasek, tagħmel x'tagħmel.
Ħelu fil-fomm u qares fis-sorm.
Hemm min għandu ħafna kliem sabiħ, iżda minn ġewwa jkun ikrah ħafna.
Daqqa ta’ frosta tagħmel tbenġila u daqqa ta’ lsien tagħmel tifrika.
Il-kliem kapaċi jweġġa' ħafna iktar mid-daqqiet.
Il-kliem żejjed qatt ma sewa flus.
Il-paroli fil-vojt ma jiswa xejn u ħsara biss jagħmel.
Jekk tgħid tarra u jekk ma tgħidx tiżgarra.
Taqlagħha jekk tgħid, u taqlagħha wkoll jekk ma tgħid xejn.
Aħjar kelma nieqsa minn kelma żejda.
Aħjar tieħu paċenzja u tigdem ilsienek.
In-nies ilsienhom tal-labar.
Ilsien in-nies iniggeż.
B’kelma ġġib il-kliem u tkeċċi s-sliem.
Kelma żejda jaf toħloq il-problemi.
Isma’ bilfors u emmen jekk trid.
Ikollok tisma' bilfors, iżda f'idejk temminx dak li tisma'.
In-nies ilsienhom tal-labar.
Ilsien in-nies iniggeż.
Il-kelma t-tajba tmiss il-qalb.
Bil-ġentilezza jirnexxilek tieħu li trid mingħand xi ħadd.