Jekk tkun edukat man-nies tasal fejn trid.
Il-kliem faħxi f’kull widnejn waħxi.
Il-kliem ħażin minnu ikrah, u ma jagħmilx ġieħ lil min jgħidu.
Kategoriji: il-kliem
Il-bniedem tagħrfu minn wegħditu.
Bniedem afdah skont kemm iżomm kelmtu.
Min għandu ħalqu jgħid li jrid.
Kulħadd jgħid ħafna xorti, allaħares toqgħod tagħti kas.
Il-kliem ikarkar u l-eżempju jkaxkar.
Dak li tagħmel jinfluwenza iżjed lil ħaddieħor mill-kliem.
Il-bniedem temminx diskorsu imma għemilu, għax għemilu huwa żgur.
Dak li tagħmel jgħodd, mhux dak li tgħid.
Il-miktub magħruf.
Il-kitba mhix astratta bħall-kliem, mela oqgħod attent x’tikteb u x’tiffirma f’ismek għax ‘il quddiem jaf jiddispjaċik.
L-ilsien fuq id-darsa li tuġa’ jmur.
Kulħadd il-problemi u l-uġigħ tiegħu jara u jsemmi.
Ilsien herrież isħqu bil-mehrież.
Tweġġa' lil ħadd bi lsienek, u bl-istess mod evita lil min iweġġgħek bi lsienu. Herrież tfisser niggieżi.
Bil-jekk u bil-jewwilla ma timla ebda bixkilla.
L-affarijiet isiru bil-fatti mhux bil-paroli.
Aqwa l-baqgħa mil-laqgħa.
Ftehim bil-fomm għandu jinżamm daqs ftehim bil-miktub.
Il-kliem itir u l-kitba tibqa’.
Il-kitba mhix astratta bħall-kliem, mela oqgħod attent x'tikteb u x'tiffirma f'ismek għax 'il quddiem jaf jiddispjaċik.
Isma’ ż-żewġ qniepen qabel taqtagħha.
Isma' x'għandhom xi jgħidu ż-żewġ naħat u wara asal għall-konklużjoni tiegħek.
Bejn il-kliem u l-fatti hemm raġel b’xiber mustaċċi.
Dak li tagħmel jgħodd, mhux dak li tgħid.
Il-kelma agħlaq f’qalbek u tħallihiex toħroġ.
Kelma li tista' ġġib lilek jew lil ħaddieħor fl-inkwiet, żommha għalik.
Aħjar l-ewwel tisma’ mbagħad tgħid.
Isma' dak li għandu xi jgħid ħaddieħor qabel tgħid tiegħek.
Il-bniedem tikxfu minn għewiedu.
Bniedem tkun taf x'inhu minn azzjonitu, mhux kliemu. Għewiedu tfisser l-għewied tiegħu - għewied huwa l-plural ta' għada, kelma oħra flok drawwa.
Il-kliem bħaċ-ċirasa, waħda ġġib l-oħra.
Kelma ġġib oħra, u minn ftit kliem tispiċċa tagħmel diskursata sħiħa.
Il-bniedem jinkixef minn kliemu.
Bil-kliem jinkixfu l-intenzjonijiet ta' dak li jkun.
Min għandu ħalqu jgħid li jrid.
Kulħadd jgħid ħafna xorti, allaħares toqgħod tagħti kas.
Il-kliem il-mistur nofsu maħfur.
Meta tgħid jew tagħmel xi ħaġa ħażina, ara li ma terġax biex dak li tkun għamilt jew għedt jintesa bil-mod il-mod.
Bil-jekk u bil-jewwilla ma timla ebda bixkilla.
L-affarijiet isiru bil-fatti mhux bil-paroli.