Il-paroli fil-vojt ma jiswa xejn. Imtieraħ huma saqqijiet.
Il-bniedem tikxfu minn għewiedu.
Bniedem tkun taf x'inhu minn azzjonitu, mhux kliemu. Għewiedu tfisser l-għewied tiegħu - għewied huwa l-plural ta' għada, kelma oħra flok drawwa.
Kategoriji: il-kliem
La tinbagħadx għal ilsienek.
Oqgħod attent xi tgħid għax tispiċċa mibgħud minn kulħadd.
L-ewwel isma’, imbagħad tkellem.
Isma' x'għandhom xi jgħidu l-oħrajn u wara asal għall-konklużjoni tiegħek.
Il-kliem bħaċ-ċirasa, waħda ġġib l-oħra.
Kelma ġġib oħra, u minn ftit kliem tispiċċa tagħmel diskursata sħiħa.
Kelma li toħroġ mill-fomm ma terġax tinġabar.
Ladarba tgħid kelma ma tistax tiblagħha lura.
Għedt kelma u swietli mija, li m’għedt xejn swietli mitejn.
Qis kliemek u tgħidx iżjed minn kemm imissek.
Il-patt jegħleb l-att.
Dak li jitniżżel bil-kitba huwa dejjiemi, mhux bħall-kliem.
Il-kliem itir u l-kitba tibqa’.
Il-kitba mhix astratta bħall-kliem, mela oqgħod attent x'tikteb u x'tiffirma f'ismek għax 'il quddiem jaf jiddispjaċik.
Kieku l-kliem kien ġawhar, is-skiet aħjar minnu.
Is-skiet fih iżjed preġju mill-kliem.
Aħjar kelma nieqsa minn kelma żejda.
Aħjar tieħu paċenzja u tigdem ilsienek.
L-ewwel isma’, imbagħad tkellem.
Isma' x'għandhom xi jgħidu l-oħrajn u wara asal għall-konklużjoni tiegħek.
Il-kelma toħroġ mis-sinna u timla dinja.
Il-kliem li tgħid ma tkunx tista' terġa' lura minnu.
Kelma ġġib lill-oħra, kelmtejn iġibu l-kliem, il-kliem iqanqal ġlieda u dlok jikser is-sliem.
Il-kliem żejjed joħloq l-inkwiet.
Il-hejm u l-ħlewwa jegħlbu d-dnewwa.
Tikkonvinċi lin-nies iżjed malajr bil-ħlewwa milli bl-aggressività. Hejm tfisser persważjoni u dnewwa tfisser vjolenza.
Il-kliem fieragħ ma jimliex l-imtieraħ.
Dak li tagħmel jgħodd, mhux dak li tgħid. Imtieraħ huwa l-plural ta' mitraħ (= saqqu).
Il-bniedem temminx diskorsu imma għemilu, għax għemilu huwa żgur.
Dak li tagħmel jgħodd, mhux dak li tgħid.
Aħjar karba minn kelma.
Aħjar tieħu paċenzja u tigdem ilsienek.
Il-barri jintrabat minn qrunu u l-bniedem minn kelmtu.
Bniedem rispettabbli ma jerġax lura minn kelmtu, għax li jkun qal ikun qalu b'intenzjoni.
Kliem sigriet la għali u lanqas inkwiet.
Jekk għandek sigriet żommu, sabiex tevita l-inkwiet u ma jiddispjaċikx.
Meta m’intix mistoqsi titkellimx.
Tgħid xejn jekk ħadd ma saqsiek xejn.
Kliem fieragħ ma jimliex imtieraħ.
Il-paroli fil-vojt ma jiswa xejn. Imtieraħ huma saqqijiet.