Bil-kelma t-tajba tasal iżjed milli bis-suppervja.
Il-bniedem temminx diskorsu imma għemilu, għax għemilu huwa żgur.
Dak li tagħmel jgħodd, mhux dak li tgħid.
Kategoriji: il-kliem
Daqqa b’qasba tagħmel ħoss imma le tweġġa’.
Il-paroli fil-vojt u l-ftaħir m'għandhomx valur.
Bejżu bejżu titħan modd, ħarra ħarra ma titħanx kejla.
Aħjar tieħu lil dak li jkun bil-kelma t-tajba.
Aħjar mitt għama minn wieħed zopp.
Aħjar bniedem għami għax ma jistax jara biex jikkummenta.
Kieku l-kliem kien ġawhar, is-skiet aħjar minnu.
Is-skiet fih iżjed preġju mill-kliem.
Aqwa l-baqgħa mil-laqgħa.
Ftehim bil-fomm għandu jinżamm daqs ftehim bil-miktub.
L-ilsien fuq id-darsa li tuġa’ jmur.
Kulħadd il-problemi u l-uġigħ tiegħu jara u jsemmi.
Anqas ma tgħid, aħjar.
Dak li ma tgħidx ma jistax jintuża kontrik.
Argument bla pedament jaqa’ dikment.
Biex argument irieġi jrid ikun sod.
Daqqa ta’ frosta tagħmel tbenġila u daqqa ta’ lsien tagħmel tifrika.
Il-kliem kapaċi jweġġa' ħafna iktar mid-daqqiet.
Il-kliem il-mistur nofsu maħfur.
Meta tgħid jew tagħmel xi ħaġa ħażina, ara li ma terġax biex dak li tkun għamilt jew għedt jintesa bil-mod il-mod.
Il-kliem bħaċ-ċirasa, waħda ġġib l-oħra.
Kelma ġġib oħra, u minn ftit kliem tispiċċa tagħmel diskursata sħiħa.
Aqwa l-baqgħa mil-laqgħa.
Ftehim bil-fomm għandu jinżamm daqs ftehim bil-miktub.
Min għandu lsienu f’ħalqu jgħid li jrid.
Kulħadd jgħid ħafna xorti, allaħares toqgħod tagħti kas.
Kelma ġġib lill-oħra, kelmtejn iġibu l-kliem, il-kliem iqanqal ġlieda u dlok jikser is-sliem.
Il-kliem żejjed joħloq l-inkwiet.
Meta l-kliem jitwal isir serp.
Il-ħafna paroli żejjed iwassal għal ħafna ġlied u mibegħda.
Jekk tgħid li trid, ikollok tisma’ milli ma tridx.
Jekk bi toqgħodx attent bi kliemek, ikollok tbati r-reazzjoni ta' ħaddieħor.
Kelma li toħroġ mis-sinna timla dinja.
Ladarba tgħid kelma ma tistax tiblagħha lura.
Daqqa ta’ frosta tagħmel tbenġila u daqqa ta’ lsien tagħmel tifrika.
Il-kliem kapaċi jweġġa' ħafna iktar mid-daqqiet.
Il-kliem itir u l-kitba tibqa’.
Il-kitba mhix astratta bħall-kliem, mela oqgħod attent x'tikteb u x'tiffirma f'ismek għax 'il quddiem jaf jiddispjaċik.
Il-kliem jintrebaħ bil-għana ta’ kull min ikun bih, bħad-duħħan jintrebaħ mar-riħ.
Hemm ħafna modi u metodi biex tmur fuq xi ħadd li jkun jogħġbok u tibda konverżazzjoni!