Is-skiet fih iżjed preġju mill-kliem.
Għedt kelma u swietli mija, li m’għedt xejn swietli mitejn.
Qis kliemek u tgħidx iżjed minn kemm imissek.
Kategoriji: il-kliem
Bil-jekk u bil-jewwilla ma timla ebda bixkilla.
L-affarijiet isiru bil-fatti mhux bil-paroli.
Kliem fieragħ ma jimliex imtieraħ.
Il-paroli fil-vojt ma jiswa xejn. Imtieraħ huma saqqijiet.
Il-barri jintrabat minn qrunu u l-bniedem minn kelmtu.
Bniedem rispettabbli ma jerġax lura minn kelmtu, għax li jkun qal ikun qalu b'intenzjoni.
Il-kliem il-mistur nofsu maħfur.
Meta tgħid jew tagħmel xi ħaġa ħażina, ara li ma terġax biex dak li tkun għamilt jew għedt jintesa bil-mod il-mod.
L-arloġġ tiegħi darba jdoqq.
M'iniex ser nirrepeti dak li diġà għedt.
Kelma sewwa ssewwi dinja u kelma belha tgħarraq dinja.
Il-kliem jagħmel ġid daqs kemm jagħmel ħsara.
Meta l-kliem jitwal isir serp.
Il-ħafna paroli żejjed iwassal għal ħafna ġlied u mibegħda.
Ħelu fil-fomm u qares fis-sorm.
Hemm min għandu ħafna kliem sabiħ, iżda minn ġewwa jkun ikrah ħafna.
Isma’ bilfors u emmen jekk trid.
Ikollok tisma' bilfors, iżda f'idejk temminx dak li tisma'.
Bejn il-kliem u l-fatti hemm il-baħar jikkumbatti.
Dak li tagħmel jgħodd, mhux dak li tgħid.
Liġġem żiemlek għax jarmik, liġġem ilsienek għax jgħallik.
Għandek dejjem toqgħod attent minn dak li tgħid għax jiddispjaċik (= tagħli), bħaż-żiemel li tliġġmu (= tlibbislu lġiem) biex ma jisfrattax u jarmik minn fuq dahru.
Kliem fieragħ ma jimliex imtieraħ.
Il-paroli fil-vojt ma jiswa xejn. Imtieraħ huma saqqijiet.
Il-hejm u l-ħlewwa jegħlbu d-dnewwa.
Tikkonvinċi lin-nies iżjed malajr bil-ħlewwa milli bl-aggressività. Hejm tfisser persważjoni u dnewwa tfisser vjolenza.
Kliemek tiegħmu sew qabel tlissnu.
Jekk toqgħod attent xi tgħid, ma ddejjaq lil ħadd bi kliemek.
Il-kliem ikarkar u l-eżempju jkaxkar.
Dak li tagħmel jinfluwenza iżjed lil ħaddieħor mill-kliem.
Dak li jħobb jixrob l-ilma ma jagħletx fil-kelma.
Min joqgħod attent xi jgħid jagħmel sew, bħal meta xi ħadd ma jitkellimx għax ikollu l-ilma f'ħalqu. "Ma jagħletx" tfisser "ma jiżbaljax", minn għelt (żball).
Il-kliem faħxi f’kull widnejn waħxi.
Il-kliem ħażin minnu ikrah, u ma jagħmilx ġieħ lil min jgħidu.
L-ewwel isma’, imbagħad tkellem.
Isma' x'għandhom xi jgħidu l-oħrajn u wara asal għall-konklużjoni tiegħek.
Il-barri jintrabat minn qrunu u l-bniedem minn kelmtu.
Bniedem rispettabbli ma jerġax lura minn kelmtu, għax li jkun qal ikun qalu b'intenzjoni.
Isma’ bilfors u emmen jekk trid.
Ikollok tisma' bilfors, iżda f'idejk temminx dak li tisma'.