Is-skiet fih iżjed preġju mill-kliem.
Il-kelma agħlaq f’qalbek u tħallihiex toħroġ.
Kelma li tista' ġġib lilek jew lil ħaddieħor fl-inkwiet, żommha għalik.
Isma’ kliem in-nies u agħmel rajk.
Isma' x'għandu xi jgħid kulħadd u wara asal għall-konklużjoni tiegħek.
Mill-kliem għall-fatti hemm raġel b’xiber mustaċċi.
Dak li tagħmel jgħodd, mhux dak li tgħid.
Kelma f’waqtha tiswa mija.
Jiswa ħafna meta tgħid il-ħaġa t-tajba fil-mument it-tajjeb.
Bejn il-kliem u l-fatti hemm raġel b’xiber mustaċċi.
Dak li tagħmel jgħodd, mhux dak li tgħid.
Il-fart jintrabat minn qrunu u r-raġel minn kelmtu.
Bniedem rispettabbli ma jerġax lura minn kelmtu, għax li jkun qal ikun qalu b’intenzjoni.
Daqqa ta’ frosta tagħmel tbenġila u daqqa ta’ lsien tagħmel tifrika.
Il-kliem kapaċi jweġġa' ħafna iktar mid-daqqiet.
La tinbagħadx għal ilsienek.
Oqgħod attent xi tgħid għax tispiċċa mibgħud minn kulħadd.
Kelma żejda fuq ġieħ issir mitħna tar-riħ.
Ladarba tgħid kelma ma tistax tiblagħha lura.
Kelma f’waqtha tiswa mija.
Jiswa ħafna meta tgħid il-ħaġa t-tajba fil-mument it-tajjeb.
Aħjar tiżloq b’riġlejk milli bi lsienek.
Kelma żejda agħar milli tweġġa' fiżikament.
Kliem ma tridux jixxerred, tgħidux.
Jekk ma tridx li dak li tgħid jinxtered, tgħid xejn.
Aħjar mitt għama minn wieħed zopp.
Aħjar bniedem għami għax ma jistax jara biex jikkummenta.
Aħjar id-dliel mill-herra.
Bil-kelma t-tajba tasal iżjed milli bis-suppervja.
Kieku, jew u jewwilla ma jimlew ebda bixkilla.
B'ħafna paroli fil-vojt u indeċiżjoni ma tasal imkien.
F’ħalq magħluq ma jidħolx nemus.
Min ma jgħid xejn jevita l-inkwiet.
Ma nsilekx biex ma ssilnix.
Ma nagħmilx ftehimiet legali bil-miktub miegħek biex ma jkollix obbligi lejk. Ma nsilekx tfisser ma ndejnekx, u ma ssilnix tfisser ma nkux obbligat.
Il-bniedem tagħrfu minn wegħditu.
Bniedem afdah skont kemm iżomm kelmtu.
La tinbagħadx għal ilsienek.
Oqgħod attent xi tgħid għax tispiċċa mibgħud minn kulħadd.
Ġie waqt aqwa l-baqgħa mil-laqgħa.
Ftehim bil-fomm (= il-baqgħa) għandu jinżamm daqs ftehim bil-miktub.