Ikollok tisma' bilfors, iżda f'idejk temminx dak li tisma'.
Dak li jħobb jixrob l-ilma ma jagħletx fil-kelma.
Min joqgħod attent xi jgħid jagħmel sew, bħal meta xi ħadd ma jitkellimx għax ikollu l-ilma f'ħalqu. "Ma jagħletx" tfisser "ma jiżbaljax", minn għelt (żball).
Bil-kliem żejjed tiżbalja tista’.
Aħsibha sew qabel tgħid xi ħaġa.
Daqqa b’qasba tagħmel ħoss imma le tweġġa’.
Il-paroli fil-vojt u l-ftaħir m'għandhomx valur.
Bil-kliem u s-sliem tasal kullimkien.
Jekk tkun edukat man-nies tasal fejn trid.
Il-kliem ikarkar u l-eżempju jkaxkar.
Dak li tagħmel jinfluwenza iżjed lil ħaddieħor mill-kliem.
Il-kliem bħaċ-ċirasa, waħda ġġib l-oħra.
Kelma ġġib oħra, u minn ftit kliem tispiċċa tagħmel diskursata sħiħa.
Il-kelma agħlaq f’qalbek u tħallihiex toħroġ.
Kelma li tista' ġġib lilek jew lil ħaddieħor fl-inkwiet, żommha għalik.
Ħaġa li ma tixraqx tagħmilhiex u kelma li tisma’ d-dar la ttennihiex.
Ġib ruħek tajjeb u qis kliemek, tikxifx dak li jingħad id-dar.
Il-kliem minn widna jidħol u mill-oħra joħroġ.
Tista' mhux tgħid, għax min ma jridx jagħti kasek mhux ser jisma' minnek.
Bil-jekk u bil-jewwilla ma timla ebda bixkilla.
L-affarijiet isiru bil-fatti mhux bil-paroli.
Il-gendus jintrabat minn qrunu u r-raġel minn kelmtu.
Bniedem rispettabbli ma jerġax lura minn kelmtu, għax li jkun qal ikun qalu b'intenzjoni.
Il-miktub magħruf.
Il-kitba mhix astratta bħall-kliem, mela oqgħod attent x’tikteb u x’tiffirma f’ismek għax ‘il quddiem jaf jiddispjaċik.
Aħjar karba minn kelma.
Aħjar tieħu paċenzja u tigdem ilsienek.
Għedt kelma u swietli mija, li m’għedt xejn aħjar għalija.
Qis kliemek u tgħidx iżjed minn kemm imissek.
Bil-kliem biss ma nagħmlu xejn.
Ma jsirx xogħol bil-paroli.
Dak li jħobb jixrob l-ilma ma jagħletx fil-kelma.
Min joqgħod attent xi jgħid jagħmel sew, bħal meta xi ħadd ma jitkellimx għax ikollu l-ilma f'ħalqu. "Ma jagħletx" tfisser "ma jiżbaljax", minn għelt (żball).
Il-kelma t-tajba tmiss il-qalb.
Bil-ġentilezza jirnexxilek tieħu li trid mingħand xi ħadd.
Għedt kelma u swietli mija, li m’għedt xejn swietli mitejn.
Qis kliemek u tgħidx iżjed minn kemm imissek.
Il-kaħli, jekk tisma’ kliemek, ma tmigħekx ma’ xliefek.
Meta ma tgħid xejn jirnexxilek iżjed tasal fejn trid. Il-kaħli tip ta' ħuta li titgerrex ħafna.
Aħjar kelma nieqsa minn kelma żejda.
Aħjar tieħu paċenzja u tigdem ilsienek.