Aħjar tieħu paċenzja u tigdem ilsienek.
Aħjar tiżloq b’riġlejk milli bi lsienek.
Kelma żejda agħar milli tweġġa' fiżikament.
Kategoriji: il-kliem
Aħjar id-dliel mill-herra.
Bil-kelma t-tajba tasal iżjed milli bis-suppervja.
Meta m’intix mistoqsi titkellimx.
Tgħid xejn jekk ħadd ma saqsiek xejn.
Aħjar tagħti milli twiegħed.
Dak li tagħmel jgħodd, mhux dak li tgħid.
Is-sultan ilsir ta’ kelmtu.
In-nies tal-affari tagħhom jagħtuk kelma u jżommuha.
Il-kelma faħxija bħal triq waħxija.
Il-kliem ħażin minnu ikrah, u ma jagħmilx ġieħ lil min jgħidu.
Kelma f’waqtha tiswa mija.
Jiswa ħafna meta tgħid il-ħaġa t-tajba fil-mument it-tajjeb.
In-nies ilsienhom tal-labar.
Ilsien in-nies iniggeż.
Il-kelma toħroġ mis-sinna u timla dinja.
Il-kliem li tgħid ma tkunx tista' terġa' lura minnu.
Aktar ibaqbaq inkella jinżel.
Aktar għandu paroli milli fatti.
Il-kliem il-mistur nofsu maħfur.
Meta tgħid jew tagħmel xi ħaġa ħażina, ara li ma terġax biex dak li tkun għamilt jew għedt jintesa bil-mod il-mod.
Mill-kelma t-tajba għall-ħażina m’hemm xejn.
Bil-herra qatt ma tieħu xejn, mela jaqbillek dejjem tieħu lil dak li jkun bil-ħlewwa.
Kelma f’waqtha tiswa mija.
Jiswa ħafna meta tgħid il-ħaġa t-tajba fil-mument it-tajjeb.
Kliem ftit għal min jifhem.
Min irid jifhem m'hemmx għalfejn ħafna paroli miegħu.
Kieku, jew u jewwilla ma jimlew ebda bixkilla.
B'ħafna paroli fil-vojt u indeċiżjoni ma tasal imkien.
Il-bniedem tikxfu minn għewiedu.
Bniedem tkun taf x'inhu minn azzjonitu, mhux kliemu. Għewiedu tfisser l-għewied tiegħu - għewied huwa l-plural ta' għada, kelma oħra flok drawwa.
Is-sultan ilsir ta’ kelmtu.
In-nies tal-affari tagħhom jagħtuk kelma u jżommuha.
Ħelu tittiekel, morr tinbeżaq.
Mingħand in-nies taqlagħha dejjem fuq rasek, tagħmel x'tagħmel.
Kelma mal-ħbieb xorrox fil-qlieb.
Ladarba tgħid kelma ma tistax tiblagħha lura. Qlieb huwa l-plural ta' qaleb.
La tgħidx kulma taħseb u la turix kulma taf.
Tippruvax turi kemm inti għaref għax malajr toħroġ ta' prużuntuż jew iqabbduk tagħmel xi biċċa xogħol li ma kontx qed tistenna.
Il-kliem qabel tgħidu qisu u iżnu.
Aħsibha sew qabel tgħid xi ħaġa.