Qwiel Maltin | Maltese Proverbs | Aħjar tiżloq b'riġlejk milli bi lsienek.

Kelma li toħroġ mis-sinna timla dinja.

Ladarba tgħid kelma ma tistax tiblagħha lura.

Min għandu ħalqu jgħid li jrid.

Kulħadd jgħid ħafna xorti, allaħares toqgħod tagħti kas.

L-ilsien fih il-melliesa u n-niggieża.

L-ilsien kapaċi juri l-ħlewwa (= il-melliesa) kif ukoll il-kattiverja (= in-niggieża).

La tgħidx kulma taħseb u la turix kulma taf.

Tippruvax turi kemm inti għaref għax malajr toħroġ ta' prużuntuż jew iqabbduk tagħmel xi biċċa xogħol li ma kontx qed tistenna.

Li kien il-kliem ġawhar, is-skiet isbaħ minnu.

Is-skiet fih iżjed preġju mill-kliem.

M’għandekx tisma’ qanpiena waħda.

Isma' x'għandu xi jgħid kulħadd u wara asal għall-konklużjoni tiegħek.

Daqqa ta’ frosta tagħmel tbenġila u daqqa ta’ lsien tagħmel tifrika.

Il-kliem kapaċi jweġġa' ħafna iktar mid-daqqiet.

In-nies ilsienhom tal-labar.

Ilsien in-nies iniggeż.

Anqas ma tgħid, aħjar.

Dak li ma tgħidx ma jistax jintuża kontrik.

Min għandu lsienu f’ħalqu jgħid li jrid.

Kulħadd jgħid ħafna xorti, allaħares toqgħod tagħti kas.

Il-barri jintrabat minn qrunu u l-bniedem minn kelmtu.

Bniedem rispettabbli ma jerġax lura minn kelmtu, għax li jkun qal ikun qalu b'intenzjoni.

Il-kliem minn widna jidħol u mill-oħra joħroġ.

Tista' mhux tgħid, għax min ma jridx jagħti kasek mhux ser jisma' minnek.

L-ewwel isma’, imbagħad tkellem.

Isma' x'għandhom xi jgħidu l-oħrajn u wara asal għall-konklużjoni tiegħek.

Aqwa l-baqgħa mil-laqgħa.

Ftehim bil-fomm għandu jinżamm daqs ftehim bil-miktub.

Il-kelma toħroġ mis-sinna u timla dinja.

Il-kliem li tgħid ma tkunx tista' terġa' lura minnu.

Il-kliem bħaċ-ċirasa, waħda ġġib l-oħra.

Kelma ġġib oħra, u minn ftit kliem tispiċċa tagħmel diskursata sħiħa.

Argument bla pedament jaqa’ dikment.

Biex argument irieġi jrid ikun sod.

Kelma li toħroġ mill-fomm ma terġax tinġabar.