Kollha kemm aħna għandna xi difett.
Il-wiċċ mera tar-ruħ.
Wiċċ il-bniedem juri dak li hemm f'qalbu.
Kif trabbi fiċ-ċkunija, issibu fix-xjuħija.
Dak li tkun drajt bih minn ċkunitek jibqa' miegħek ħajtek kollha.
Il-Malti tikrilux b’żewġ sulari għax minn hemm fuq jaf jobżoqlok.
Il-Malti ma jurix apprezzament għal li tagħmel miegħu.
La taħrax fejn ixommuh in-nies.
Tikxifx id-difetti tiegħek u l-ħażin li tagħmel.
L-għajb jgħajjeb u l-għar jgħajjar.
Xi nies jgħajru lil ħaddieħor bid-difetti tagħhom stess. Għajb u għar it-tnejn ifissru diżunur.
Arani u la tmissnix.
L-apparenza ta' persuna jaf tkun sabiħa, iżda l-karattru ma jkunx sabiħ għax tkun imkabbra biha nfisha.
Il-ħalf iġib is-seħta.
Min jaħlef fil-vojt iġib ħafna inkwiet.
L-ilbies qatt ma għamel nies.
L-ilbies sabiħ ma jgħattix id-difetti u l-karattri ħżiena.
Fil-logħob min jitlef jitlef, iżda min jirbaħ jitlef ukoll.
Fil-logħob tal-azzard qatt ma tirbaħ tassew għax il-vizzju tal-logħob huwa ikrah u jwassal għal ħafna inkwiet.
Friex, żibel u ġieħ fittex wittih.
Tħallix lil min jipprova jħammiġlek ismek.
“Jaħraq dinha l-għaġla”, qalet il-fekruna xħin telgħet tarġa u waqgħet tnejn.
Il-fekruna tagħmel li għandha tagħmel minkejja kollox, u bl-istess mod il-bniedem għandu jaħdem u ma jitgħażżinx.
L-għażż missier il-vizzji.
L-għażż iwaqqgħek iżjed fit-tentazzjoni tal-vizzju.
Jekk ma tħattarx, ma tinħatarx.
Jekk ma tagħmilx wiċċek, qatt ma tieħu xejn. Tħattar tfisser tagħmel sforz u tinħatar tfisser tintgħażel.
Ibża’ minn dak li għandu għonqu mgħawweġ.
Oqgħod attent minn min ikollu xi tip ta' żvantaġġ, għax jaf ikun webbes qalbu.
Il-logħob jilagħbek hu.
Min ikollu l-vizzju tal-logħob jispiċċa jitqarraq u jitlef ħafna flus.
Il-lupu jbiddel sufu u mhux għemilu.
Bniedem ħażin jipprova jagħtik x'tifhem li nbidel, iżda fil-fond ta' qalbu ħażin jibqa'.
Ħatab wisq għan-nar tajjeb.
Min ikun twil iżda jibża' minn kollox, xorta mhu tajjeb għal xejn.
Il-ġebla s-samma ma tintaġarx.
Min għandu karattru diffiċli ma jinbidel qatt. Samma tfisser qawwija.
Il-katuba, li tagħmel ħafna ħoss, m’hemm xejn fiha ħlief arja.
Jitlagħlu malajr iżda jgħaddilu malajr ukoll.
L-għażż missier il-vizzji.
L-għażż iwaqqgħek iżjed fit-tentazzjoni tal-vizzju.