Wiċċ il-bniedem juri dak li hemm f'qalbu.
Il-logħob jilagħbek hu.
Min ikollu l-vizzju tal-logħob jispiċċa jitqarraq u jitlef ħafna flus.
Doqq lill-qattusa biex tiżfen l-għarusa.
Għamel xi ħaġa biex tidher mod, meta l-intenzjonijiet tiegħu kienu mod ieħor.
Il-kelb il-mutu ibża’ minnu.
Oqgħod attent minn min jidher kwiet, iżda jkollu intenzjonijiet ħżiena.
Mhux l-imġienen kollha jinsabu ta’ Frankuni.
Hawn ħafna nies imġienen madwarna u lanqas biss nafu. Frankuni tfisser Villa Franconi, bini residenzjali li ntuża bħala sptar mentali mill-1835 sal-1861.
Il-miżbla qatt ma tkun tfuħ.
Mingħand xi ħadd ta' intern ħażin tistenniex it-tajjeb.
Fuq ġebla waħda jibni sur.
Qed jgħid affarijiet wisq esaġerati biex jitwemmnu.
Mgħallem f’idejh bħan-nies taż-żmien, jew kien hu miktub max-xwieni jew jinsab baħri mal-iġfien.
In-nies ta' klassi baxxa tikbrilhom rashom meta jkunu xortihom tajba. Mgħallem f'idejh tfisser li jkollu t-tpinġija fuq idejh (dari kienet titqies tan-nies ta' klassi baxxa), u dawn jixbhu lin-nies tal-antik (=in-nies taż-żmien) tal-istess kwalità, jiġifieri...
L-akbar trux min ma jridx jisma’.
Min ma jridx jisma' jkollu jbati l-konsegwenzi tar-ras iebsa tiegħu.
Ixbah l-arloġġ tar-raħal fil-ħin imma le fil-qniepen.
Asal fil-ħin meta tiftiehem, iżda toqgħodx tiftaħar.
Mhux l-imġienen kollha jinsabu ta’ Frankuni.
Hawn ħafna nies imġienen madwarna u lanqas biss nafu. Frankuni tfisser Villa Franconi, bini residenzjali li ntuża bħala sptar mentali mill-1835 sal-1861.
Bis-saħħa tal-għarusa tiżfen il-qattusa.
Hemm min japprofitta ruħu mis-sitwazzjoni meta tiġih l-okkażjoni.
Daqqa fuq iċ-ċirku u oħra fuq il-bettija.
Bniedem li jġib ruħu ħażin u bis-salvaġiżmu wara jpattilu bil-ħlewwa u l-ġentilezza.
It-tbajja’ li nitwieldu bihom ma jmorru qatt.
Il-vizzji li nitwieldu bihom diffiċli ħafna neħilsu minnhom għalkollox.
Kulħadd għandu minn tal-ħmar.
Kulħadd jagħmel xi waħda minn tiegħu.
Lil min tafu tistaqsix għalih.
Jekk taf li xi ħadd għandu tip ta' karattru, qisu ta' li hu.
Il-qattus aħrax isib il-qattus dgħajjef.
Hemm min jagħmel l-arja ma' min hu aktar dgħajjef minnu.
Il-kelb in-nebbieħ ma jigdimx.
Jitlagħlu malajr u jagħmel ħafna storbju, iżda ma jagħmillekx ħsara.
Ġebla samma ma tintaġarx.
Bniedem li għandu karattru diffiċli jew ħażin ma jitranġa qatt. Samma tfisser iebsa u ma tintaġarx tfisser ma titranġax.
L-ewwel tidrobni, imbagħad iddewwini.
Min hu wiċċ b'ieħor l-ewwel jagħmillek il-ħsara, imbagħad jipprova jintgħoġob.
Il-ħalf iġib is-seħta.
Min jaħlef fil-vojt iġib ħafna inkwiet.