Min jaħseb li hu xi ħaġa jeħtieġ li jitgħallem japprezza l-valur tal-umiltà.
Kulħadd żommu ta’ li hu.
Qis lil kulħadd skont il-karattru tiegħu u kif iġib ruħu.
Kategoriji: il-karattru
Il-ħalliel jgħajrek qabel ma tgħajru int.
Biex ma jinqabadx, il-ħalliel iwaħħal fik qabel twaħħal inti fih.
Ġebla samma ma tintaġarx.
Bniedem li għandu karattru diffiċli jew ħażin ma jitranġa qatt. Samma tfisser iebsa u ma tintaġarx tfisser ma titranġax.
Il-katuba, li tagħmel ħafna ħoss, m’hemm xejn fiha ħlief arja.
Jitlagħlu malajr iżda jgħaddilu malajr ukoll.
It-tebqat tal-ħorġa jintefgħu wara d-dahar.
Faċli ħafna tara d-difetti ta' ħaddieħor minflok tiegħek.
Il-gost tal-pipa fiċ-ċekċika.
Ħu gost bil-kapriċċi li tagħmel.
Ħalli ‘l ħaddieħor ifaħħrek.
Kun umli u tiftaħarx, ħalli lil ħaddieħor ifaħħrek minn jeddu.
L-ikrah jagħmel x’jagħmel ma jsirx sabiħ.
Min hu ikrah dejjem jiġi ttrattat iżjed ħażin minn min hu sabiħ, anke jekk bla tort.
Il-fartas tmisslux il-barjola.
Jekk bniedem għandu difett tgħajrux bih. Barjola hija beritta żgħira.
Il-qaħba tgħajjar lil ħaddieħor qaħba.
Xi nies jgħajru lil ħaddieħor bid-difetti tagħhom stess.
Il-korla ta’ filgħaxija ħalliha għal filgħodu.
Tiħux deċiżjonijiet mgħaġġla meta tkun irrabjat, stenna sakemm tikkalma.
Dak li ma qattax bi snienu qattgħu bi lsienu.
Minflok ħadem, qagħad jgħid fuq in-nies minn wara daharhom.
Il-qalb ħanina tmut miskina.
Min ikun wisq qalbu tajba jbati, għax in-nies jagħmlu bih li jridu.
It-twal tajbin għall-ħatab.
Nies twal u mibnija ġieli jkollhom karattru fjakk, u għalhekk ma jservu għal xejn.
Il-logħob jilagħbek hu.
Min ikollu l-vizzju tal-logħob jispiċċa jitqarraq u jitlef ħafna flus.
Kajman u kutu iżda qrunu dejjem f’butu.
Tafdax lil min taħsbu kwiet, għax jaf jittradik.
L-imżużi ma fih ebda ħajr.
Tippruvax tikkuntenta lil minn qatt ma jkun kuntent. Imżużi tfisser fonqla.
Is-supperv mibgħud minn kulħadd.
Ħadd ma jrid ikollu x'jaqsam man-nies suppervi.
Għalhekk il-baqra tinbiegħ kollha, għax min irid rasha u min irid denbha.
Kulħadd bil-fehmiet u l-gosti tiegħu, dak li hu bla valur għal xi ħadd jista' jkun ta' preġju f'għajnejn xi ħaddieħor.
Kellu l-borqom, xejn ma jinfdu.
Dari kienu jemmnu li min kien jitwieled bil-borqom (= amniotic sac) intatt, ħadd ma jkun jista' għalih.
Kulħadd ikollu xi imma.
Kulħadd lejn l-interessi tiegħu jħares.