Bniedem li taqbiżlu malajr jagħmel ħafna kjass, iżda ma jdumx ma jgħaddilu.
Il-wiċċ mera tar-ruħ.
Wiċċ il-bniedem juri dak li hemm f'qalbu.
Il-borża tal-beżżiegħ la timtela u lanqas tifriegħ.
Min jibża' jispiċċa qatt ma jagħmel xejn fid-dinja. Tifriegħ tfisser titbattal.
Dak li ma jidħolx fi mnieħrek ħa jidħol fi mnieħer nannuk.
Ħu ħsieb tal-affarijiet tiegħek u tilħaqx salib ħaddieħor.
Il-ħalliel jgħajrek qabel ma tgħajru int.
Biex ma jinqabadx, il-ħalliel iwaħħal fik qabel twaħħal inti fih.
Hemm il-wieħed u hemm l-ieħor.
Kulħadd għandu karattru differenti.
Meta jidħol l-inbid joħroġ l-għaqal.
Meta tisker, ma tibqax f'sensik.
Il-ħarir u l-imsielaħ iħaxwxu.
Min jilbes biex mingħalih jimpressjona jiġbed l-istess attenzjoni ta' xkupa (= imselħa, pl. imsielaħ) tħaxwex.
Ibża’ minn min għandu ħuġbejh kbar.
Oqgħod attent minn min ikollu xi tip ta' żvantaġġ, għax jaf ikun webbes qalbu.
Il-qaħba tgħajjar lil ħaddieħor qaħba.
Xi nies jgħajru lil ħaddieħor bid-difetti tagħhom stess.
L-għajjur bil-weġgħa jmut.
In-nies għajjurin bla sodisfazzjon jibqgħu.
Għidli ma’ min tagħmilha u ngħidlek min int.
Il-karattru tiegħek jissawwar skont il-kumpanija li tagħmilha magħha.
Il-ftaħir qatt ma għamel nies.
Imbilli tiftaħar ma jfissirx li inti rispettabbli.
Ħatab wisq għan-nar tajjeb.
Min ikun twil iżda jibża' minn kollox, xorta mhu tajjeb għal xejn.
Il-miżbla qatt ma tkun tfuħ.
Mingħand xi ħadd ta' intern ħażin tistenniex it-tajjeb.
Fuq ġebla waħda jibni sur.
Qed jgħid affarijiet wisq esaġerati biex jitwemmnu.
Il-logħob jilagħbek hu.
Min ikollu l-vizzju tal-logħob jispiċċa jitqarraq u jitlef ħafna flus.
It-tbajja’ li nitwieldu bihom ma jmorru qatt.
Il-vizzji li nitwieldu bihom diffiċli ħafna neħilsu minnhom għalkollox.
Il-ħanżir jistaħam f’kull għadira.
Min m’għandux prinċipji jieħu vantaġġ minn kull opportunità li jinzerta. Jistaħam tfisser iċaflas jew jgħaffeġ.
Ġebbed għonqu biex qassar saqajh.
Min hu bla moħħ tistenniex li jagħmel affarijiet intelliġenti.
L-għajnejn huma t-twieqi tal-qalb.
L-għajnejn espressivi u juru x'hemm f'qalb persuna.