Tiħux deċiżjonijiet mgħaġġla meta tkun irrabjat, stenna sakemm tikkalma.
Il-midjun u d-dejjien ftit jaqblu flimkien.
In-nies li għandhom interessi opposti ftit li xejn jistgħu jaqblu.
Il-ħalf iġib is-seħta.
Min jaħlef fil-vojt iġib ħafna inkwiet.
L-għajjur bil-weġgħa jmut.
In-nies għajjurin bla sodisfazzjon jibqgħu.
Ħalli ‘l ħaddieħor ifaħħrek.
Kun umli u tiftaħarx, ħalli lil ħaddieħor ifaħħrek minn jeddu.
Ibża’ minn dak li għandu għonqu mgħawweġ.
Oqgħod attent minn min ikollu xi tip ta' żvantaġġ, għax jaf ikun webbes qalbu.
Dak tiegħu tiegħu u tan-nies tiegħu wkoll.
Il-bniedem egoist irid kollox, anke ta' ħaddieħor.
Il-pipa rġulija, il-magħda ħniżrija u t-tabakk qżiżija.
Dari min kien ipejjep il-pipa kien jitqies ta' klassi, mhux bħal min kien ipejjep is-sigaretti jew jomgħod il-magħda (= chewing tobacco).
It-twal tajbin għall-ħatab.
Nies twal u mibnija ġieli jkollhom karattru fjakk, u għalhekk ma jservu għal xejn.
Il-Malti tikrilux b’żewġ sulari għax minn hemm fuq jaf jobżoqlok.
Il-Malti ma jurix apprezzament għal li tagħmel miegħu.
Kulħadd iressaq in-nar lejn xawwatu.
Kulħadd lejn l-interessi tiegħu jħares. Xawwatu jfisser dak li dak li jkun qed ixawwat/isajjar.
Il-ħarsa ġġib il-kelma u r-ruħ taqa’.
L-attrazzjoni sesswali tibda b'ħarsa, tkompli b'kelma, u fl-aħħar taqa' fit-tentazzjoni.
Ix-xellejjin mibgħuda ħajjin u mejtin.
Min imur jgħid kulma jisma' kulħadd ikun jobogħdu.
Ħalli ‘l ħaddieħor ifaħħrek.
Kun umli u tiftaħarx, ħalli lil ħaddieħor ifaħħrek minn jeddu.
In-nies ma tixxibahx u kulħadd fehmtu.
Kulħadd bil-fehmiet u l-gosti tiegħu.
Is-supperv mibgħud minn kulħadd.
Ħadd ma jrid ikollu x'jaqsam man-nies suppervi.
Friex, żibel u ġieħ fittex wittih.
Tħallix lil min jipprova jħammiġlek ismek.
Il-ħalf iġib is-seħta.
Min jaħlef fil-vojt iġib ħafna inkwiet.
Għidli ma’ min tagħmilha u ngħidlek min int.
Il-karattru tiegħek jissawwar skont il-kumpanija li tagħmilha magħha.
Kulħadd milli għandu jagħti.
Tistenniex affarijiet mingħand min taf li ma jistax jagħtihomlok.
Aqqal sirt minn blis, kulma trid tridu fis.
Hemm min irid kollox fil-pront.